రేపట్నుంచి పలు రైళ్ల రద్దు.. మరికొన్ని దారి మళ్లింపు

మూడో లైను పనులే కారణం: దక్షిణ మధ్య రైల్వే

డోర్నకల్‌ (మహబూబాబాద్‌), న్యూస్‌టుడే: దక్షిణ మధ్య రైల్వే ఈనెల 21 నుంచి వచ్చేనెల 7వ తేదీ వరకు పలు రైళ్లను రద్దు చేసింది. మరికొన్నింటిని దారి మళ్లించింది. కాజీపేట-కొండపల్లి సెక్షన్‌లోని చింతలపల్లి, నెక్కొండ రైల్వేస్టేషన్ల మధ్య మూడో లైను పనుల దృష్ట్యా ఈ నిర్ణయం తీసుకుంది. రద్దయిన రైళ్లలో మెమూ రైళ్లతో పాటు కాకతీయ, శాతవాహన సూపర్‌ఫాస్టు ఎక్స్‌ప్రెస్‌ రైళ్లున్నాయి. ఈ మేరకు దక్షిణ మధ్య రైల్వే ఉత్తర్వులు జారీ చేసింది.  

రద్దయిన రైళ్లు

* ఈనెల 21 నుంచి జూన్‌ 7వ తేదీ వరకు కాజీపేట-డోర్నకల్‌ (07753), డోర్నకల్‌-కాజీపేట (07754), విజయవాడ-డోర్నకల్‌ (07755), డోర్నకల్‌-విజయవాడ (07756) మెమూ రైళ్లు, భద్రాచలం రోడ్‌-సికింద్రాబాద్‌(17660), సికింద్రాబాద్‌-భద్రాచలం రోడ్‌(17659) కాకతీయ ఎక్స్‌ప్రెస్‌, విజయవాడ-సికింద్రాబాద్‌(12713), సికింద్రాబాద్‌-విజయవాడ(12714) శాతవాహన సూపర్‌ఫాస్టు ఎక్స్‌ప్రెస్‌.

* ఈనెల 23, 30, జూన్‌ 6 తేదీలలో కాజీపేట-తిరుపతి (07091), తిరుపతి-కాజీపేట (07092) తిరుపతి స్పెషల్‌ ఫేర్‌ ఎక్స్‌ప్రెస్‌..

* ఈనెల 21, 28, జూన్‌ 4 తేదీలలో మచిలీపట్నం-సికింద్రాబాద్‌ (07185), సికింద్రాబాద్‌-మచిలీపట్నం (07186) మచిలీపట్నం స్పెషల్‌ ఫేర్‌ ఎక్స్‌ప్రెస్‌..  

పాక్షికంగా రద్దయినవి

* ఈనెల 20 నుంచి జూన్‌ 6 వరకు సిర్పూర్‌ టౌన్‌-భద్రాచలం రోడ్‌(17034) సింగరేణి ఎక్స్‌ప్రెస్‌.. వరంగల్‌-భద్రాచలం రోడ్‌ మధ్య రద్దు.

* ఈనెల 21 నుంచి జూన్‌ 7 వరకు భద్రాచలం రోడ్‌-బలార్షా(17033) సింగరేణి ఎక్స్‌ప్రెస్‌.. భద్రాచలం రోడ్‌-వరంగల్‌ మధ్య రద్దు.

* ఈనెల 20 నుంచి జూన్‌ 6 వరకు బెళగవి-మణుగూరు(07335) బెళగవి ఎక్స్‌ప్రెస్‌ కాజీపేట-మణుగూరు మధ్య రద్దు.

* ఈనెల 21 నుంచి జూన్‌ 7 వరకు మణుగూరు-బెళగవి(07336) బెళగవి ఎక్స్‌ప్రెస్‌ మణుగూరు-కాజీపేట మధ్య రద్దు.

గోల్కొండ రీషెడ్యూల్‌

* ఈనెల 23, 25, 27, 28, 30, జూన్‌ 1, 3, 4, 7 తేదీల్లో గుంటూరు-సికింద్రాబాద్‌ మధ్య నడిచే నంబరు 17201 గోల్కొండ ఎక్స్‌ప్రెస్‌ రైలును రీ-షెడ్యూల్‌ చేశారు.
నెక్కొండలో ఆగని రైళ్లు

* డోర్నకల్‌-వరంగల్‌ మార్గంలోని వరంగల్‌ జిల్లా నెక్కొండ స్టేషన్‌లో ఈనెల 21 నుంచి 28 వరకు తిరుపతి-ఆదిలాబాద్‌ (17405) కృష్ణా ఎక్స్‌ప్రెస్‌, 27,28 తేదీలలో ఆదిలాబాద్‌-తిరుపతి (17406) కృష్ణా ఎక్స్‌ప్రెస్‌, 28న సికింద్రాబాద్‌-తిరుపతి (12764) పద్మావతి ఎక్స్‌ప్రెస్‌, 27,28 తేదీలలో లింగంపల్లి-కాకినాడ పోర్టు(12738) గౌతమి ఎక్స్‌ప్రెస్‌.

* 22 నుంచి 28 వరకు గుంటూరు-సికింద్రాబాద్‌ (17201) గోల్కొండ ఎక్స్‌ప్రెస్‌, 27,28 తేదీలలో సికింద్రాబాద్‌-గుంటూరు (17202) గోల్కొండ ఎక్స్‌ప్రెస్‌ ఆగదు.
దారి మళ్లింపు
* ఈనెల 21 నుంచి జూన్‌ 7 వరకు విశాఖ-ఎల్‌టీటీ (18519).. గుంటూరు మీదుగా వెళుతుంది.

* ఈనెల 24, 31 తేదీలలో షాలిమార్‌-సికింద్రాబాద్‌(22849).. గుంటూరు మీదుగా నడుస్తుంది.

* ఈనెల 21, 28, జూన్‌ 4 తేదీల్లో యశ్వంత్‌పూర్‌-టాటానగర్‌(18112).. గుంటూరు మీదుగా మళ్లింపు.

* ఈనెల 28, జూన్‌ 7 తేదీలలో హైదరాబాద్‌-షాలిమార్‌(18046) ఈస్టుకోస్టు.. గుంటూరు మీదుగా ప్రయాణిస్తుంది.