తిరుమలకు వచ్చిన కారులో శిలువ గుర్తు

తిరుమల, న్యూస్‌టుడే: తిరుమలలో మంగళవారం అన్యమత చిహ్నంతో కూడిన కారు తిరిగింది. తెలంగాణలోని సూర్యాపేటకు చెందిన రవికుమార్‌(38) తన కారులో అలిపిరి తనిఖీ కేంద్రం నుంచి తిరుమలకు చేరుకున్నారు. కారు ముందు భాగంలోనే క్రైస్తవ శిలువ బొమ్మ ఉంది. స్థానిక సీఆర్వో కేంద్రం వద్ద స్థానికులు ఆ విషయం గుర్తించి తితిదే భద్రతా సిబ్బందికి తెలిపారు. సిబ్బంది అతడిని పట్టుకుని విచారిస్తున్నారు. అలిపిరి తనిఖీ కేంద్రంలో అన్యమత చిహ్నాలు, రాజకీయ పార్టీల జెండాలు, స్టిక్కర్లు గుర్తిస్తే తితిదే భద్రతా సిబ్బంది తొలగించి వాహనాలు తిరుమలకు పంపాలి. అక్కడి సిబ్బంది నిర్లక్ష్యంతోనే శిలువ గుర్తుతో కారు తిరుమలకు చేరుకుందని భక్తులు ఆరోపిస్తున్నారు.