పీవోపీఎస్‌కేలు శనివారమూ పనిచేస్తాయి

ఈనాడు, హైదరాబాద్‌: పోస్టాఫీసు పాస్‌పోర్టు సేవా కేంద్రాలు(పీవోపీఎస్‌కే) ఈ శనివారం పని చేస్తాయని ప్రాంతీయ పాస్‌పోర్టు అధికారి దాసరి బాలయ్య మంగళవారం ఒక ప్రకటనలో తెలిపారు. విదేశాంగ మంత్రిత్వశాఖ ఆదేశాలతో గత మూడు శనివారాలు సేవలందించాయని పేర్కొన్నారు. ఈ నెల 10న కూడా పీవోపీఎస్‌కేలు అందుబాటులో ఉంటాయన్నారు. 700 సాధారణ అపాయింట్‌మెంట్లు విడుదల చేస్తుండగా.. ఆ వివరాలు బుధవారం సాయంత్రం వెబ్‌సైట్‌లో ప్రత్యక్షమవుతాయని వెల్లడించారు. పాస్‌పోర్టు ప్రీపోన్‌మెంట్‌కు ప్రయత్నించేవారు సేవల్ని వినియోగించుకోవచ్చని వివరించారు.