బడిబాట.. ఇంటింటి వేట

ఈ చిత్రంలో కుర్చీలో కూర్చుని ఉన్న వ్యక్తి పేరు జాదవ్‌ గణేష్‌. ఆదిలాబాద్‌ జిల్లా బోథ్‌ మండలం ఘన్‌పూర్‌లోని మండల పరిషత్‌ పాఠశాల ఉపాధ్యాయుడు. ఆయన ఇలా ఇంటింటికీ వెళ్లి.. విద్యార్థులను తమ పాఠశాలలో చేర్చుకుంటున్నారు. వెనుక నిలుచుని ఉన్నవారంతా సొనాల గ్రామంలోని ఓ ప్రైవేటు పాఠశాలకు చెందిన ఉపాధ్యాయులు. ప్రభుత్వ, ప్రైవేటు సిబ్బంది ఒకేసారి వచ్చారేంటనే సందేహం వస్తుంది కదూ.. బడి ఈడు పిల్లల కోసం సాగుతున్న పోటీకి ఇదో నిదర్శనం. బడిబాట పేరిట విద్యార్థులను చేర్చుకునేందుకు ప్రభుత్వ పాఠశాలల ఉపాధ్యాయులు ఇళ్లకు వెళ్తుండగా.. ప్రైవేటు యాజమాన్యాలు తమ ఉపాధ్యాయులను కూడా పల్లెల్లోకి పరుగులు పెట్టిస్తున్నాయి.

న్యూస్‌టుడే, సొనాల (బోథ్‌)