Hyderabad: ఓ పక్క నుంచి ప్రహరీలా కనిపిస్తున్నా.. ఇది రెండంతస్తుల ఇల్లు

హైదరాబాద్‌ మహా నగరంలో భూమి విలువ బంగారమైంది. గజం స్థలం లక్షల ధర పలుకుతోంది. ఈ క్రమంలో ప్రతి గజాన్ని సద్వినియోగం చేసుకోవాలని స్థల యజమానులు ఆలోచిస్తుంటారు. అందుకు అద్దం పడుతోంది ఈ భవనం. ఓ పక్క నుంచి చూడడానికి  ప్రహరీలా కనిపిస్తున్నా.. ఇది రెండంతస్తుల ఇల్లు. నగర శివారు రంగారెడ్డి జిల్లా హయత్‌నగర్‌ మండలం కుంట్లూరులో ఓ వ్యక్తి తన స్థలాన్ని ప్లాట్లుగా చేసి విక్రయించగా.. 8.8 గజాల స్థలం మిగిలింది. ముందుభాగంలో వెడల్పు 6 అడుగులు, వెనుకకు వెళ్లే సరికి 2 అడుగులు, పొడవు 20 అడుగులతో ఉన్న ఈ స్థలంలో రెండంతస్తుల భవనం నిర్మించారు. గ్రౌండ్‌ ఫ్లోర్‌లో చిన్నపాటి కార్యాలయం, పైన అటాచ్డ్‌ బాత్రూంతో రూం కట్టి అద్దెకిచ్చారు.

- ఈనాడు, హైదరాబాద్‌