Viral Video: పులి పిల్లలను సాకుతున్న శునకం.. వైరల్‌గా మారిన వీడియో

ఇంటర్నెట్‌ డెస్క్‌: ఈ సృష్టిలోనే ఎంతో పవిత్రమైనది ప్రేమ. ఆ ప్రేమకు తారతమ్యాలు, జాతిభేదాలుండవు. అలాంటి ప్రేమనే చూపుతోంది ఓ శునకం. అదీ పులి పిల్లలపై. తల్లి విడిచిపెట్టడంతో అనాథలుగా మారిన మూడు పులి కూనల ఆలనాపాలనా చూసుకుంటోంది లాబ్రడార్‌ జాతికి చెందిన శునకం. ఈ అరుదైన ఘటన చైనాలో చోటుచేసుకుంది. పెంపుడు తల్లితో పులి పిల్లలు ఆడుకుంటున్న ఓ వీడియో ప్రస్తుతం నెట్టింట వైరలయ్యింది.

చైనాలోని ఓ జంతుప్రదర్శనశాలలో కొద్దిరోజుల క్రితమే ఓ పులి మూడు పిల్లలకు జన్మనిచ్చింది. అయితే పుట్టినప్పటి నుంచే పాలిచ్చేందుకు అది నిరాకరించింది. దీంతో జూలోనే ఉంటున్న ఆ శునకం వాటిని అక్కున చేర్చుకుంది. ప్రస్తుతం వైరల్‌గా మారిన ఈ వీడియోను చూసిన జంతు ప్రేమికులు హర్షం వ్యక్తం చేస్తున్నారు. ఇదో అద్భుతమైన దృశ్యమని అంటున్నారు. రెండు వేర్వేరు జాతులు.. కానీ ప్రేమ మాత్రం ఒక్కటే అని పేర్కొంటున్నారు.

► Read latest Viral videos News and Telugu News

► Follow us on Facebook, Twitter, Instagram, Koo, ShareChat and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.