పామును ముక్కులోంచి పంపి నోటి ద్వారా తీశాడు!

ఇంటర్నెట్‌ డెస్క్‌: జంతువులు, పక్షులతో కొందరు విచిత్ర విన్యాసాలు చేస్తున్న వీడియోలు సామాజిక మాధ్యమాల్లో విపరీతంగా దర్శనమిస్తుంటాయి. కానీ, ఓ వ్యక్తి ఏకంగా బతికున్న పామును ముక్కులోంచి లోపలికి పంపి నోటి ద్వారా బయటికి తీస్తున్న వీడియో నెటిజన్లను ఆశ్చర్యానికి గురి చేస్తోంది. ఈ వీడియోను బాలీవుడ్‌ నటుడు విద్యుత్‌ జమ్వాల్‌ తన ఇన్‌స్టాగ్రామ్‌ ఖాతాలో షేర్‌ చేశారు. ప్రస్తుతం అది వైరల్‌గా మారింది. ఈ వీడియోలో.. ఓ పెద్దాయన బతికున్న పామును తన చేతిలో పట్టుకొని కూర్చున్నాడు. కళ్లు మూసుకొని పామును తన ముక్కులోంచి లోపలికి పంపాడు. తర్వాత తన చేతిని నోటిలో పెట్టి ఆ పామును బయటికి తీశాడు. ఈ వీడియోను ఇప్పటివరకు 20 లక్షల మంది చూశారు. 8 వేల మంది కామెంట్ల ద్వారా తమ స్పందన తెలియజేశారు. కొందరు ఆ పెద్దాయన్ను అభినందిస్తుండగా.. వినోదం కోసం పాములను హింసించొద్దంటూ మరికొందరు మూగ జీవాలపై ప్రేమను వ్యక్తం చేశారు.

► Read latest Viral videos News and Telugu News

► Follow us on Facebook, Twitter, Instagram, Koo, ShareChat and Google News.

ఇవీ చదవండి

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.