Viral Video: తియ్యటి సింహం!

బంధించి ఉన్న సింహం దగ్గరకు వెళ్లాలంటేనే పిల్లలు భయపడతారు. కానీ ఈ సింహాన్ని చూపిస్తే తినకుండా వదిలిపెట్టరు.

Published : 17 Jun 2021 23:59 IST

ఇంటర్నెట్‌డెస్క్‌: బంధించి ఉన్న సింహం దగ్గరకు వెళ్లాలంటేనే పిల్లలు భయపడతారు. కానీ ఈ సింహాన్ని చూపిస్తే తినకుండా వదిలిపెట్టరు. ఎందుకంటే..! ఇదొక చాక్లెట్‌ సింహం. స్విట్జర్లాండ్‌కు చెందిన అమౌరీ గుయినోచ్ అనే పేస్ట్రీ చెఫ్‌ దీన్ని రూపొందించారు. వివిధ జంతువులు, రకరకాల వస్తువుల ఆకారాలను చాక్లెట్‌తో సహజత్వం ఉట్టిపడేలా తీర్చిదిద్దడం గుయినోచ్‌ హాబీ. 5 అడుగుల 8 అంగుళాల పొడవు, 36 కిలోల బరువున్న ఈ చాక్లెట్‌ సింహాన్ని తయారు చేయడానికి అతనికి 5 రోజులు పట్టిందట. చాక్లెట్‌తో సింహం ఆకారాన్ని తయారుచేస్తున్న వీడియోను గుయినోచ్‌ తన ఇన్‌స్టాగ్రామ్‌ ఖాతా ద్వారా పంచుకోగా అది సామాజిక మాధ్యమాల్లో వైరల్‌గా మారింది. 



Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని