Viral Video: గేదెతో ముఖాముఖీ.. నవ్వులు పూయిస్తున్న వీడియో!

పాకిస్తాన్‌కు చెందిన ఒక రిపోర్టర్‌ గేదెను ఇంటర్య్వూ చేస్తూ కొన్ని సులువైన ప్రశ్నలు

Updated : 22 Jul 2021 19:54 IST

ఇంటర్నెట్‌ డెస్క్: పాకిస్థాన్‌కు చెందిన ఒక రిపోర్టర్‌ గేదెను ఇంటర్వ్యూ చేస్తూ కొన్ని సులువైన ప్రశ్నలు అడిగారు. గేదె వాటికి తనదైన శైలిలో సమాధానం ఇచ్చింది. దానికి సంబంధించిన వీడియో ప్రస్తుతం సామాజిక మాధ్యమాల్లో తెగ వైరల్‌ అవుతోంది. 

పాకిస్థాన్‌ జర్నలిస్ట్‌ అమిన్‌ హఫీజ్‌ లాహోర్‌లోని ఒక గేదెను సరదాగా ఇంటర్వ్యూ చేశారు. ‘లాహోర్‌లో ఉండటం మీకు ఎలా అనిపిస్తుంది?’ అని గేదెను అడగ్గా.. అది ఒక్క సారిగా అరిచింది. దాన్ని సమాధానంగా తీసుకుని.. గేదెకు లాహోర్‌ నచ్చిందని రిపోర్ట్‌ చేశారు. ‘లాహోర్‌లో ఆహారం బాగుందా? లేక మీ గ్రామంలోని ఆహారం బాగుందా?’ అని మరో ప్రశ్న అడగ్గా.. గేదె మళ్లీ అరిచింది. లాహోర్‌లోని ఆహారమే బాగుందని గేదె సమాధానం చెప్పినట్టు రిపోర్ట్‌ చేయడం నవ్వు తెప్పిస్తోంది. ఆద్యంతం నవ్వులు పూయిస్తోన్న ఈ వీడియోను నైలా ఇనాయత్‌ అనే జర్నలిస్ట్‌ తన ట్విటర్‌ ఖాతా ద్వారా పంచుకున్నారు.  



Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని