భలే..భలే ..భారీచేపలు

ఇంటర్నెట్‌ డెస్క్‌ : కర్ణాటక రాష్ట్రం ఉడిపి జిల్లాలో జాలర్ల చేతికి రెండు భారీ చేపలు చిక్కాయి. ఇవి చాలా అరుదుగా కనిపించే మీనాలట. ఈ రెండు చేపల్లో  ఒకటి సుమారు 750 కిలోల బరువు ఉండగా, మరో చేప 250 కిలోల బరువుందట. ఈ అరుదైన మీనాలను  స్టిన్ గ్రే చేపలు అని పిలుస్తారట. జాలర్లకు చేపలు చిక్కటం గురించి తెలుసుకున్న స్థానికులు, వాటిని చూసేందుకు పెద్దసంఖ్యలో తరలి వెళ్లారు. చూసేందుకు భారీగా ఉండే ఈ చేపలు చదునైన ఆకారంలో భలేగా ఉన్నాయి. భారీగా, నల్లటి ఆల్చిప్ప మాదిరిగా కనిపిస్తున్నాయి. స్థానికంగా ఈ అరుదైన భారీ చేపలను థోరెక్‌ మీను అని పిలుస్తారు. ప్రస్తుతం వీటికి సంబంధించిన వీడియో సామాజిక మాధ్యమాల్లో వైరల్‌గా మారింది. మీరు కూడా ఆ వీడియోను చూసేయండి మరి!