పక్షి దాహార్తి.. బాలుడి కరుణ దీప్తి..

ఇంటర్నెట్‌ డెస్క్‌: ‘‘పిల్లలూ దేవుడు చల్లనివారే.. కల్లకపటమెరుగని కరుణామయులే..’’ అని చిన్నారుల గొప్పతనాన్ని రచయితలు ఊరికే కీర్తించలేదు. తాజాగా ఓ పిల్లవాడు పక్షిపై చూపిన కరుణ నెట్టింట్లో వైరల్‌గా మారింది. దాహార్తితో అల్లాడుతున్న ఓ పావురం దప్పిక తీర్చేందుకు.. ఆ పిల్లాడు బాల్కనీలోంచి చేసిన ప్రయత్నం నెటిజన్ల మనసులను దోచుకుంటోంది. ఎక్కడ జరిగిందో తెలియదుగానీ అటవీశాఖ అధికారి సుశాంత నందా పోస్ట్‌ చేసిన ఈ వీడియో సామాజిక మాధ్యమాల్లో వైరల్‌గా మారింది. 

ఓ భవనం బాల్కనీ కింది భాగంలో ఉన్న చిన్నపాటి షెడ్‌పై ఓ పావురం వచ్చి వాలింది. ఆ పావురం దాహార్తితో ఉందని ఆ ఇంట్లో ఉన్న కుర్రాడికి ఎలా తెలిసిందో మరి!  వెంటనే గ్లాసు, గరిటె వెంట తెచ్చుకున్నాడు. గరిటెలో నీళ్లు నింపి.. ఆ పావురానికి నీళ్లు తాగించాడు. తద్వారా ఆ పక్షి దాహార్తిని తీర్చిన ఆ కుర్రాడు నెట్టింట్లో ప్రశంసలు అందుకుంటున్నాడు. ఈ వీడియోపై మీరూ ఓ లుక్కేయండి!