Viral Video: పామును మింగిన పాము

ఇంటర్నెట్‌ డెస్క్‌: కప్పని పాము మింగడం సహజం. కానీ పామును, మరో సర్పం మింగడం చాలా అరుదు. అయితే, ఒక జాతికి చెందిన జంతువు, అదే జాతి జంతువును తినడాన్ని కానిబాలిజం అని పిలుస్తారు. ఒడిశాలో ఇలాంటి అరుదైన సంఘటన ఒకటి చోటుచేసుకుంది. 3 అడుగుల కోబ్రాను 4 అడుగుల తాచుపాము మింగేసింది. పాముల సంరక్షకులు తాచుపామును పట్టుకునే ప్రయత్నంలో మింగిన కోబ్రాను బయటకి వదిలేసింది. ఒడిశాలోని ఖుర్దా జిల్లా, బాలాకటి గ్రామంలో పాము తిరగడం గుర్తించిన స్థానికులు స్నేక్ హెల్ప్ లైన్‌కు సమాచారం అందించారు. వారు 4 అడుగుల తాచు పామును పట్టుకునేందుకు ప్రయత్నించారు. ఆ సమయంలోనే తాచుపాము 3 అడుగుల సర్పాన్ని బయటకు కక్కింది. ఈ అరుదైన ఘటనను చూసేందుకు స్థానికులు తరలివచ్చారు.