అమ్మకు ఆ అలవాటు పోవాలంటే ఏం చేయాలి?
మా అమ్మగారి వయసు 45 ఏళ్లు. ఏడాది క్రితం నాన్నకు కరోనా వచ్చి తగ్గిపోయింది. అప్పట్నుంచి అమ్మలో భయం పెరిగింది. ఇంట్లో ఎప్పుడూ ఏదో ఒకటి కడుగుతూనే ఉంటుంది. గిన్నెలు, కూరగాయలు, చేతులు పదే పదే కడుగుతుంటుంది.
మా అమ్మగారి వయసు 45 ఏళ్లు. ఏడాది క్రితం నాన్నకు కరోనా వచ్చి తగ్గిపోయింది. అప్పట్నుంచి అమ్మలో భయం పెరిగింది. ఇంట్లో ఎప్పుడూ ఏదో ఒకటి కడుగుతూనే ఉంటుంది. గిన్నెలు, కూరగాయలు, చేతులు పదే పదే కడుగుతుంటుంది. మేము ఎంతగా వద్దని చెబుతోన్నా వినడం లేదు. అమ్మ ప్రవర్తన వల్ల ఇంట్లో అందరం ఇబ్బంది పడుతున్నాం. అమ్మకు ఈ అలవాటు పోవాలంటే ఏం చేయాలి? దయచేసి సలహా ఇవ్వగలరు. - ఓ సోదరి
జ. మీ అమ్మగారికి ఉన్న సమస్య ఈ రోజుల్లో చాలామందికి ఉంది. ఇది ఒక మానసిక రుగ్మత. అబ్సెసివ్‌ కంపల్సివ్‌ డిజార్డర్ (OCD) అంటుంటారు. ఇలాంటివారికి ఏదో ఒక ఆలోచన పదే పదే మైండ్‌లో తిరుగుతుంటుంది. దానివల్ల కంగారు, గాబరా పెరుగుతుంటుంది. దీని ప్రభావం ఎక్కువగా శుభ్రత మీద ఉంటుంది. ఏది ముట్టుకున్నా వ్యాధులు వస్తాయేమోనని పదే పదే చేతులు కడుక్కోవడం.. శుభ్రంగా లేదని చేసిన పనినే పదే పదే చేయడం.. ఏ పనైనా పూర్తి చేయడానికి సాధారణం కంటే ఎక్కువ సమయం తీసుకోవడం ఇందులో భాగమే. కొంతమందిలో ఇది శ్రుతి మించిపోతుంది. ఇలాంటి ఆలోచనలు చాలావరకు వారి ప్రమేయం లేకుండానే వస్తుంటాయి. కాబట్టి, మీ అమ్మగారిని ఒకసారి సైకియాట్రిస్ట్‌ వద్దకు తీసుకెళ్లండి. వారు మందులతో పాటు కౌన్సెలింగ్‌ కూడా ఇస్తారు. ఈ రెండిటి వల్ల తప్పకుండా ప్రయోజనం ఉంటుంది.
Trending
గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
