వీటితో మెదడు చురుగ్గా పని చేస్తుంది..!
ఓ పక్క ఇంటి పనులు, మరో పక్క ఆఫీసు బాధ్యతలు.. ఈ రెండిటినీ సమన్వయపరుచుకోవాలంటే శరీరానికి తగినంత శక్తి అందించాల్సిందే. అలాగే ఏ పని చేసినా లేదా ఏ విషయం గురించైనా మెదడు చురుగ్గా అలోచించాలన్నా దానికి కూడా ఎంతోకొంత శక్తి అవసరమవుతుంది.
ఓ పక్క ఇంటి పనులు, మరో పక్క ఆఫీసు బాధ్యతలు.. ఈ రెండిటినీ సమన్వయపరుచుకోవాలంటే శరీరానికి తగినంత శక్తి అందించాల్సిందే. అలాగే ఏ పని చేసినా లేదా ఏ విషయం గురించైనా మెదడు చురుగ్గా అలోచించాలన్నా దానికి కూడా ఎంతోకొంత శక్తి అవసరమవుతుంది. మరి దీని కోసం మనం ముఖ్యంగా చేయాల్సింది - శరీరానికి శక్తినిచ్చే ఆహార పదార్థాలను రోజువారీ మెనూలో భాగం చేసుకోవడం. ఈ క్రమంలో - మెదడు పనితీరుని మెరుగుపరచడమే కాకుండా జ్ఞాపకశక్తిని పెంపొందిస్తూ.. శరీరానికి కావాల్సిన శక్తినందించే ఆహార పదార్థాలేంటో మనమూ తెలుసుకుందామా...
యాంటీ ఆక్సిడెంట్లు అధికంగా..
జ్ఞాపకశక్తిని పెంపొందించే గుణం టమాటాలకు ఉంటుంది. ఎందుకంటే వాటిలో ఉండే 'లైకోపీన్' అనే యాంటీ ఆక్సిడెంట్ మెదడు కణజాలాల్ని ఫ్రీరాడికల్ డ్యామేజ్ నుంచి కాపాడతాయి. అలాగే ఎవరైతే రోజూ టమాటాల్ని ఆహారంలో భాగంగా తింటారో వారి మెదడు చురుగ్గా పనిచేస్తుందని ఓ పరిశోధనలో వెల్లడైంది. ఒకవేళ మీకు రోజూ టమాటాతో చేసిన కూరలు తినడం బోర్గా అనిపిస్తే.. టమాటా సూప్, సలాడ్స్, ఆమ్లెట్.. ఇలా రకరకాలుగా ప్రయత్నించవచ్చు.
జ్ఞాపకశక్తిని పెంచడానికి ఉపయోగపడే మరో పదార్థం ఉల్లి. ఇందులో ఉండే ఆంథోసయనిన్, క్వెర్సెటిన్.. అనే రెండు యాంటీఆక్సిడెంట్లే దీనికి కారణం. కాబట్టి కూరల్లో వేసిన ఉల్లిని తీసి పక్కన పెట్టకుండా కనీసం ఇప్పటినుంచైనా వాటిని తినడం అలవాటు చేసుకోండి.
నీటిస్థాయులు తగ్గకుండా..
శరీరంలో నీటిస్థాయి తగినంత ఉండేలా చూసుకోవడం చాలా ముఖ్యం. దీనివల్ల ఎలాంటి ఆరోగ్య సమస్యలు రాకుండా ఉండడంతో పాటు మెదడు కూడా చురుగ్గా పనిచేసి జ్ఞాపకశక్తిని పెంచడంలో సహాయపడుతుంది. కాబట్టి రోజుకు ఎనిమిది నుంచి పది గ్లాసుల నీళ్లు, పండ్ల రసాలు తాగడం ఉత్తమం. రోజూ ఇలా చేయడం వల్ల శరీరానికి డీహైడ్రేషన్ సమస్య ఎదురుకాకుండా ఉంటుంది. ఫలితంగా ఎలాంటి సమస్యలు లేకుండా ఆరోగ్యంగా ఉండచ్చు.
గ్రీన్ టీ
ఆరోగ్యాన్నివ్వడంలోనే కాదు.. జ్ఞాపకశక్తిని పెంచడంలోనూ సహాయపడే పానీయం గ్రీన్ టీ. ఇది మెదడు పనితీరును మెరుగుపరచడంలో కీలకపాత్ర పోషిస్తుంది. కాబట్టి రోజూ కనీసం మూడు కప్పుల గ్రీన్టీ తాగితే అటు శరీర ఆరోగ్యానికి, ఇటు మెదడు పనితీరుకీ చాలా మంచిది.
డ్రైఫ్రూట్స్..
ఒమేగా-3 ఫ్యాటీ ఆమ్లాలుండే వాల్నట్స్, చేపలు.. మొదలైన ఆహార పదార్థాలు జ్ఞాపకశక్తిని పెంచడంలో తోడ్పడతాయి. అలాగే ఈ ఆమ్లాలు మెదడులోని న్యూరోట్రాన్స్మిట్టర్స్ పనితీరును మెరుగుపరిచి మెదడుకు రక్షణనిస్తాయి. మెదడులోని రక్తనాళాలకు అవసరమైన పోషకాలు, ఆక్సిజన్ని సరఫరా చేయడంలోనూ ఇవి తోడ్పడతాయి. వాల్నట్స్లో ఎక్కువ మొత్తంలో ఉండే విటమిన్ బి6, మెగ్నీషియం.. మెదడును సురక్షితంగా ఉంచడంతో పాటు జ్ఞాపకశక్తిని పెంచడంలోనూ సహాయపడతాయి. కాబట్టి రోజూ వీటిని తినడం మంచిది.
బాదంపప్పులో ఒమేగా-3, 6 ఫ్యాటీ ఆమ్లాలు, ‘బి6’, ‘ఇ’ విటమిన్లు అధికంగా లభిస్తాయి. ఇవి కూడా జ్ఞాపకశక్తిని పెంపొందించడానికి చక్కగా ఉపకరిస్తాయి. కాబట్టి ఐదారు బాదం పప్పుల్ని రాత్రంతా నీటిలో నానబెట్టి ఉదయాన్నే పరగడుపున తింటే మంచి ఫలితం ఉంటుంది. ఇలా చేయడం వల్ల కొందరు శరీరంలో కొవ్వు పెరుగుతుందేమోనని భ్రమపడుతుంటారు. కానీ అలాంటి సమస్యలేవీ ఉండవు.
ఆకుకూరలు..
ఆకుకూరలు కేవలం కంటి ఆరోగ్యాన్ని కాపాడడంలోనే కాదు.. మెదడు చురుగ్గా పని చేయడంలోనూ సహాయపడతాయి. ఇందులో అధిక మొత్తంలో ఉండే పొటాషియం ఆలోచనాశక్తిని, జ్ఞాపకశక్తిని పెంచుతుంది. అలాగే వీటిలో ఉండే మెగ్నీషియం, ఫోలేట్, విటమిన్ ఇ, కె.. మొదలైనవన్నీ మెదడుపై ఎలాంటి ప్రతికూల ప్రభావం పడకుండా కాపాడతాయి. కాబట్టి ఆకుకూరల్ని ప్రతిరోజూ ఆహారంలో భాగం చేసుకోవడం చాలా ముఖ్యం.
అలాగే బీట్రూట్ కేవలం శరీరంలో రక్తాన్ని పెంచడంలోనే కాదు.. మెదడుకు సరిపడా రక్తాన్ని సరఫరా చేయడంలో కూడా తోడ్పడుతుంది. ఫలితంగా మెదడు చురుగ్గా పనిచేయడంతో పాటు జ్ఞాపకశక్తి కూడా పెరుగుతుంది.
పసుపు
మెదడు చురుకుదనాన్ని పెంచే శక్తి పసుపుకి ఉందని పలు పరిశోధనల్లో తేలింది. ఇందులో ఉండే కర్క్యుమిన్ అనే పదార్థం అల్జీమర్స్ వ్యాధి తీవ్రతను తగ్గించడంలో కూడా తోడ్పడుతుంది. కాబట్టి దీన్ని రోజూ ఆహారంలో భాగం చేసుకోవడం మంచిది. దీంతోపాటు గోరువెచ్చటి పాలలో చిటికెడు పసుపు కలుపుకుని తాగితే అటు ఆరోగ్యం.. ఇటు జ్ఞాపకశక్తి.. రెండూ సొంతమవుతాయి.
పండ్లూ ముఖ్యమే!
కొంతమందిలో వయసు పెరుగుతున్న కొద్దీ జ్ఞాపకశక్తి తగ్గిపోతుంటుంది. ఇలాంటి సమస్య తలెత్తకుండా ఉండాలంటే రోజూ అర కప్పు చొప్పున బ్లూబెర్రీలను ఆహారంలో భాగంగా తినాలి. ఇందులో ఉండే ఫ్లేవనాయిడ్లు జ్ఞాపకశక్తిని పెంచడంతో పాటు గ్రాహక శక్తిని రెట్టింపు చేస్తాయి.
యాపిల్స్పై ఉండే తొక్క తొలగించుకుని తింటారు కొంతమంది. కానీ అందులోనే జ్ఞాపకశక్తిని పెంచే క్వెర్సెటిన్ అనే యాంటీఆక్సిడెంట్ ఉంటుంది. కాబట్టి రోజూ యాపిల్స్ను తొక్కతో పాటుగా తినడం అలవాటు చేసుకోవడం వల్ల అటు శరీరానికి శక్తి అందుతుంది.. ఇటు మెదడు చురుగ్గా పనిచేస్తుంది.
వీటితో పాటు విటమిన్ సి అధికంగా లభించే నిమ్మ, దానిమ్మ.. వంటి వాటిని కూడా తీసుకోవడం వల్ల జ్ఞాపకశక్తిని బాగా పెంచుకోవచ్చు.
తేనె..
పని ఒత్తిడికి గురైనప్పుడు కొందరిలో పలు రకాల మానసిక సమస్యలు తలెత్తుతాయి. వీటిన్నింటినీ తగ్గించి మెదడును తిరిగి చురుగ్గా మార్చే శక్తి తేనెకు ఉంది. ఇందులో ఉండే మాంగనీస్, ఫాస్ఫరస్, పొటాషియం, విటమిన్ బి.. మొదలైనవన్నీ మెదడు ఆరోగ్యానికి చాలా అవసరం. వీటితో పాటు తేనెలో ఉండే ఫ్రక్టోజ్ మెదడుకు ఇంధనంలా పనిచేసి దాని పనితీరును రెట్టింపు చేస్తుంది.
డార్క్ చాక్లెట్
మెదడు ఆరోగ్యానికి కావాల్సిన పోషకాల్లో ముఖ్యమైనవి యాంటీఆక్సిడెంట్లు. కాబట్టి ఇవి అధికంగా లభించే డార్క్ చాక్లెట్లు తినడం చాలా మంచిది. అలాగే ఇందులో ఉండే కెఫీన్ మెదడును చురుగ్గా పనిచేసేలా చేస్తే, ఫ్లేవనాయిడ్లు మెదడుకు రక్తప్రసరణ సరిగ్గా జరిగేందుకు సహాయపడతాయి. కాబట్టి జ్ఞాపకశక్తిని మరింత రెట్టింపు చేసుకోవాలంటే రోజుకో బైట్ చొప్పున డార్క్ చాక్లెట్ తినడం మంచిది.
గింజలు కూడా!
అలాగే జ్ఞాపకశక్తిని పెంచుకోవడానికి రోజూ గుప్పెడు గుమ్మడి గింజల్ని కూడా తినచ్చు. ఇందులో ఉండే జింక్ మెదడు చురుగ్గా పనిచేసేలా చేసి జ్ఞాపకశక్తిని పెంచడంలో దోహదం చేస్తుంది. దీంతో పాటు అవిసె గింజల్లో ఉండే ఒమేగా-3 ఫ్యాటీ ఆమ్లాలు, ఆల్ఫా లినోలెనిక్ ఆమ్లం.. మొదలైనవి కూడా జ్ఞాపకశక్తిని పెంచడంలో సహాయపడతాయి.
ఈ కొవ్వులు ఎక్కువగా..
మోనోఅన్శ్యాచురేటెడ్ కొవ్వులు అధికంగా ఉండే ఆహార పదార్థాల్ని తీసుకోవడం వల్ల రక్తంలో చెడు కొవ్వుల స్థాయులు తగ్గిపోతాయి. ఫలితంగా మెదడుతో పాటు శరీర భాగాలన్నింటికీ రక్తప్రసరణ బాగా జరిగి అన్ని అవయవాలూ సక్రమంగా పనిచేస్తాయి. అలాగే జ్ఞాపకశక్తి కూడా పెరుగుతుంది.
చూశారుగా.. జ్ఞాపకశక్తిని పెంపొందించుకొంటూ శరీరానికి శక్తినందించడానికి ఎన్ని ఆహార పదార్థాలున్నాయో.. మరి వీటన్నింటినీ రోజూ ఆహారంలో భాగం చేసుకుని మంచి జ్ఞాపకశక్తితో పాటు చక్కని ఆరోగ్యాన్ని కూడా మీ సొంతం చేసుకోండి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- ఈ ఆహారంతో జుట్టు ఆరోగ్యంగా..!
- మెడ చుట్టూ నల్లగా అవుతోందా?
- గోళ్లు విరుగుతున్నాయా?
- పసిడి మెరుపులు... పంచలోహ పట్టీలు!
- Summer Beauty: మేకప్ చెదిరిపోకుండా..!
ఆరోగ్యమస్తు
- హార్మోన్లు సమతులంగా ఉండాలంటే..!
- ఎలక్ట్రోలైట్స్... తాగుతున్నారా?
- భవిష్యత్తుపై బెంగతో నిద్రపోవట్లేదట...
- Mangoes: అందుకే తినేముందు నీళ్లలో నానబెట్టాలి!
- ఆరుబయట ఆడుతున్నారా..!
అనుబంధం
- లవ్ మ్యారేజ్.. అయినా సంప్రదాయాల పేరిట టార్చర్ చేస్తున్నాడు..!
- దాంపత్య బంధానికీ.. ఇవ్వాలి కాస్త విశ్రాంతి!
- బాస్ వివాహేతర సంబంధం.. అతడితో చెప్పాలా? వద్దా?
- నైపుణ్యాలకు సానపెట్టండిలా..
- నేనంటే ప్రాణమంటోంది.. కానీ!
యూత్ కార్నర్
- 29 బాటిళ్లతో ఒక స్విమ్సూట్.. విదేశాల్లోనూ పాపులర్!
- Prachi Nigam: స్టేట్ ఫస్ట్.. అయినా బాడీ షేమింగ్ తప్పలేదు!
- ప్రాణం కోసం... ‘సూర్య నాయక్’
- Janhvi Kapoor : నచ్చిందే పదే పదే తింటుంటా!
- ఆ సమయంలో... అయిదేళ్ల పిల్లనైపోతా!
'స్వీట్' హోం
- చెత్తబుట్ట నుంచి దుర్వాసన రాకుండా..!
- తేలిగ్గా వండేద్దాం..!
- ప్రకృతికి కోపం తెప్పిస్తున్నారా?
- ఎయిర్ ప్యూరిఫయర్కు బదులు ఇవి!
- వంటింట్లో కీటకాల బెడదా..
వర్క్ & లైఫ్
- రంగులు తెలిసేలా!
- విజయానికి అందం అడ్డయ్యింది!
- భరణం ఇవ్వాల్సొస్తుందని ఉద్యోగం మానేశాడు!
- నేను బాగా పనిచేయడం లేదు!
- గెలవాలంటే నేర్చుకోవాలి..