Published : 26/06/2022 10:32 IST

Kitchen Gadgets : ఇక.. పప్పు డబ్బా కోసం వెతకక్కర్లేదు!

నెలకు సరిపడా పప్పులు, ఉప్పులు సూపర్‌ మార్కెట్‌ నుంచి ఇంటికి తేగానే ఎక్కడివక్కడ సర్దేస్తుంటాం. పప్పుల్ని, ఇతర ధాన్యాల్ని ఆయా డబ్బాల్లో పోసేస్తుంటాం. ఇక్కడి వరకు బాగానే ఉంది.. కానీ రోజూ ఆఫీస్‌కి వెళ్లే హడావిడిలో పప్పు డబ్బా తీసి.. సరిపడినంత పప్పును కొలిచి తీసుకునే సమయం ఉండచ్చు.. ఉండకపోవచ్చు. పైగా అన్ని స్టీలు డబ్బాలు ఒకేలా ఉంటే ఎందులో ఏ పప్పు ఉందో గుర్తుండదు. ఈ విషయాలన్నీ దృష్టిలో పెట్టుకొనే ‘వాల్‌ మౌంటెడ్‌ సెరెల్‌ ఫుడ్‌ డిస్పెన్సర్లు’ తయారుచేశారు డిజైనర్లు.

ఫొటోలో చూపించినట్లుగా.. ఒక్కో కంటెయినర్‌ విడివిడిగా లేదంటే నాలుగైదు కలిపి గోడకు అమర్చుకునేలా దీన్ని రూపొందించారు. వీటిలో ఉండే డబ్బాల్లో ధాన్యాలు, పప్పులు, ఫ్లేక్స్‌, బీన్స్‌.. ఏవైనా నింపుకోవచ్చు. ఇక దీనికి ముందు భాగంలో ఉన్న బటన్‌ నొక్కగానే.. అడుగున ఉన్న రంధ్రంలో నుంచి పప్పు కిందికి పడుతుంది. కొలతల స్పూన్లతో మీకు కావాల్సినంత పప్పును కొలుచుకొని ఉపయోగించుకోవడమే తరువాయి! అలాంటి విభిన్న రకాల సెరల్‌ డిస్పెన్సర్లే ఇవి!

Photos: Amazon.in


Advertisement

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని