Breaking | Feedback | ePratibha | E-PAPER | Pratibha

స్పెర్మ్ కౌంట్ బాగానే ఉన్నా పిల్లలు పుట్టరా?

మేడమ్‌.. నాకు పెళ్లై ఎనిమిదేళ్లవుతోంది.. ఇంకా పిల్లల్లేరు. నాకు థైరాయిడ్‌ సమస్య ఉంది (TSH-6.19). అలాగే కిడ్నీలో రాళ్లున్నాయి. నేను, మా వారు చెకప్స్‌ చేయించుకుంటున్నాం.. మా వారికి స్పెర్మ్‌ కౌంట్‌ 30 మిలియన్లు ఉన్నాయి. మాకు పిల్లలు....

Updated : 25 Mar 2023 20:27 IST

జ: పెళ్లై ఎనిమిదేళ్లయిందన్నారు కానీ మీ వయసెంతో రాయలేదు. ఇప్పటికే ఎనిమిదేళ్లంటే చెకప్స్‌ కాకుండా చికిత్స తప్పనిసరిగా తీసుకోవాలి. ఇందుకోసం పరీక్షలన్నీ వివరంగా చేయాల్సి ఉంటుంది. మీ గర్భాశయం - అండాశయాలు ఎలా ఉన్నాయో; మీ ఫెలోపియన్‌ ట్యూబ్స్‌లో అడ్డంకులేవీ లేకుండా తెరుచుకొని ఉన్నాయో, లేదో; మీ హార్మోన్ల సమతుల్యం ఎలా ఉందో.. ఈ వివరాలన్నీ తెలుసుకోవాలి. అలాగే మీవారి స్పెర్మ్‌ కౌంట్‌ బాగానే ఉన్నా కదలిక ఎంత శాతం ఉందో, ఆరోగ్యంగా ఉన్న స్పెర్మ్స్‌ ఎంత శాతం ఉన్నాయో ఆ వివరాలు కూడా కావాలి. మీ థైరాయిడ్‌ సమస్య కూడా TSH స్థాయి 6.19 ఉందని రాశారు. కానీ మీకు పిల్లలు కావాలంటే ఈ స్థాయి 2.5 కంటే తక్కువగా ఉండాలి. ఒకసారి మీకు దగ్గర్లో ఉన్న ఐవీఎఫ్‌ స్పెషలిస్ట్‌ని సంప్రదిస్తే మీకు ఏ చికిత్స ద్వారా గర్భం నిలుస్తుందో సూచించగలుగుతారు.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.