Miss Diva Universe: ఒక్కటే జిందగీ.. నచ్చింది చేస్తేనే హ్యాపీ..!
పట్టు వదలకుండా ప్రయత్నిస్తేనే విజయం వరిస్తుందంటారు. ఇదే విషయాన్ని తాజాగా నిరూపించింది ముంబయి బ్యూటీ దివితా రాయ్. ఈ ఏడాది ‘మిస్ దివా యూనివర్స్’గా తాజాగా కిరీటం గెలుచుకుంది. గతేడాది ఇదే పోటీలో రెండో రన్నరప్గా నిలిచి సంతృప్తి.....
(Photos: Instagram)
పట్టు వదలకుండా ప్రయత్నిస్తేనే విజయం వరిస్తుందంటారు. ఇదే విషయాన్ని తాజాగా నిరూపించింది ముంబయి బ్యూటీ దివితా రాయ్. ఈ ఏడాది ‘మిస్ దివా యూనివర్స్’గా తాజాగా కిరీటం గెలుచుకుంది. గతేడాది ఇదే పోటీలో రెండో రన్నరప్గా నిలిచి సంతృప్తి చెందని ఈ ముద్దుగుమ్మ.. ఈ ఏడాది మళ్లీ పోటీ పడి తన కలల కిరీటాన్ని ఒడిసిపట్టింది. తద్వారా ఈ ఏడాది జరగబోయే ‘మిస్ యూనివర్స్’ పోటీలకు భారత్ తరఫున ప్రాతినిథ్యం వహించనుంది దివిత. ఈ నేపథ్యంలో ఈ బ్యూటీ క్వీన్ గురించి కొన్ని ఆసక్తికర విశేషాలు మీకోసం..!
‘ఉన్నది ఒక్కటే జిందగీ.. దాన్ని మనకు నచ్చినట్లుగా ఆస్వాదిస్తేనే ప్రతి క్షణం ఆనందంగా ఉండగలుగుతాం..’ అంటోంది దివిత. మంగళూరులో పుట్టిన ఆమె.. ప్రస్తుతం ముంబయిలో నివసిస్తోంది. తన తండ్రి ఉద్యోగ రీత్యా దేశంలోని వివిధ ప్రాంతాల్లో తిరిగిన ఆమె.. పెరిగి పెద్దయ్యే క్రమంలో ఆరు స్కూల్స్ మారింది. ‘జీవితంలో ఇలాంటి ఎన్నో మార్పులు సహజం. వాటికి వెరవకుండా స్వీకరిస్తేనే ప్రతి క్షణాన్నీ ఆస్వాదించగలుగుతాం..’ అంటోందీ ముద్దుగుమ్మ.
ఆర్కిటెక్ట్.. మోడల్..!
ముంబయిలోని ‘సర్ జేజే కాలేజ్ ఆఫ్ ఆర్కిటెక్చర్’లో విద్యనభ్యసించిన దివిత.. ప్రస్తుతం వృత్తిరీత్యా ఆర్కిటెక్ట్గా కొనసాగుతోంది. మరోవైపు మోడలింగ్ అన్నా ఈ ముద్దుగుమ్మకు మహా ఇష్టం. ఈ మక్కువతోనే ప్రొఫెషనల్ మోడల్గా గుర్తింపు పొంది.. పలు ఫ్యాషన్ వీక్స్లోనూ ర్యాంప్ వాక్ చేసింది. అయితే అందాల కిరీటం గెలవాలన్నది ఆమె చిరకాల కోరిక. 1994లో ‘విశ్వ సుందరి’గా అవతరించిన సుస్మితా సేన్ను స్ఫూర్తిగా తీసుకొనే ఇటువైపు వచ్చానంటోన్న దివిత.. గతేడాది ‘మిస్ దివా యూనివర్స్/మిస్ యూనివర్స్ ఇండియా’ పోటీల్లో పాల్గొని రెండో రన్నరప్గా నిలిచింది. ఇదే పోటీల్లో హర్నాజ్ సంధు గెలిచి.. ‘మిస్ యూనివర్స్’ పోటీల్లోనూ విజయం సాధించిన విషయం తెలిసిందే! అయితే పట్టువదలకుండా ఈ ఏడాది కూడా ఈ పోటీల్లో పాల్గొని.. కిరీటం గెలుచుకుంది దివిత. దాంతో గతేడాది విజయం సాధించిన హర్నాజ్ చేతుల మీదుగా అందాల కిరీటం అలంకరించుకుందీ ముంబయి బ్యూటీ. ‘ఈ విజయం కోసమే ఇన్నాళ్లూ ఎదురుచూశా.. ఇప్పుడు వరించే సరికి నోట మాట రావట్లేదు.. ఇదో అద్భుతమైన అనుభూతి..!’ అంటూ వేదికపైనే ఉబ్బితబ్బిబ్బైందీ అందాల భామ.
నాన్నే స్ఫూర్తి!
జీవితంలో ప్రతి ఒక్కరికీ ఏదో ఒక లక్ష్యముంటుంది.. అలా తనకూ ఓ ఆశయం ఉందంటోంది దివిత. ‘మా నాన్న పడిన కష్టాలు నన్ను ఎన్నోసార్లు ఆలోచనలో పడేసేవి. ఆయన తన ఆర్థిక కష్టాలను ఎదుర్కోవడానికి చదువునే మార్గంగా ఎంచుకున్నారని చెబుతుంటారు.. పలు సవాళ్లను ఎదుర్కొంటూనే ఉన్నత విద్యనభ్యసించారని అంటుంటారు. పెళ్లై తనకంటూ ఓ కుటుంబం ఏర్పడ్డాక.. మాకోసం కష్టపడ్డారు. అందుకే చదువు విషయంలో ఆయన్ని చూసి నేను స్ఫూర్తి పొందా. భవిష్యత్తులో విద్యా వ్యవస్థలో పలు మార్పులు తీసుకొచ్చే దిశగా ప్రయత్నించి.. విద్యను అందరికీ చేరువ చేయడమే లక్ష్యంగా పెట్టుకున్నా..’ అంటోందీ బ్యూటీ క్వీన్.
అవకాశమొస్తే ఎవరిలా జీవించడానికి ఇష్టపడతారని అడిగితే.. మెక్సికన్ దివంగత పెయింటర్ ‘ఫ్రిదా కలో’లా అని చెబుతోంది దివిత. ఇక ఖాళీ సమయాల్లో పెయింటింగ్ వేయడానికి ఇష్టపడే ఈ ముద్దుగుమ్మకు.. బ్యాడ్మింటన్, బాస్కెట్బాల్ ఆటలంటే మక్కువట! పుస్తకాలు చదవడం, పాటలు వినడానికీ ఆసక్తి చూపుతానంటోందీ అందం.
ఫ్యాషన్ క్వీన్కు అందాల కిరీటం!
ఇక ఇదే పోటీల్లో ‘మిస్ దివా సుప్రా నేషనల్’ కిరీటం అందుకుంది తెలంగాణకు చెందిన ప్రజ్ఞా అయ్యగారి. హైదరాబాద్లో ఉండే ఆమె ప్రస్తుతం ఫ్యాషన్ డిజైనింగ్ కోర్సు చేస్తోంది. కాలేజీలో ఉన్నప్పుడే తన మోడలింగ్ కెరీర్ను ప్రారంభించిన ఆమె.. ఈ ఏడాది ‘మిస్ ఇండియా తెలంగాణ’ కిరీటం గెలుచుకుంది. ఎప్పటికైనా పర్యావరణహితమైన ఫ్యాషన్ లేబుల్ను ప్రారంభించడమే తన లక్ష్యమంటోన్న ప్రజ్ఞకు భరతనాట్యంలోనూ ప్రవేశముంది. ఖాళీ సమయాల్లో చెస్ ఆడుతూ, కొరియన్ డ్రామాలు చూస్తూ ఎంజాయ్ చేస్తానంటోన్న ఈ హైదరాబాదీకి హర్నాజ్ సంధునే ప్రేరణట!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- Asoka Makeup Trend: అప్పటి కరీనా లుక్ని ఇలా రీక్రియేట్ చేస్తున్నారు!
- తారలు మెచ్చిన ‘ఫుల్కారీ’ ఫ్యాషన్.. ఈ స్టైలిష్ ట్రెండ్ గురించి తెలుసా?
- పొడవైన శిరోజాలతో... గిన్నిస్బుక్లో..!
- ఈ ఆహారంతో జుట్టు ఆరోగ్యంగా..!
- మెడ చుట్టూ నల్లగా అవుతోందా?
ఆరోగ్యమస్తు
- వీటితో.. కడుపు చల్లగా.. ఆరోగ్యంగా..!
- చనుబాలు ఎక్కువగా వస్తున్నాయి.. తగ్గేదెలా?
- మెనోపాజా... వ్యాయామం చేయండి!
- ఎండకో గొడుగు..!
- హార్మోన్లు సమతులంగా ఉండాలంటే..!
అనుబంధం
- నాన్నంటే భయపడుతున్నారు..!
- బద్ధకపు భర్తతో వేగలేకపోతున్నారా?
- లవ్ మ్యారేజ్.. అయినా సంప్రదాయాల పేరిట టార్చర్ చేస్తున్నాడు..!
- దాంపత్య బంధానికీ.. ఇవ్వాలి కాస్త విశ్రాంతి!
- బాస్ వివాహేతర సంబంధం.. అతడితో చెప్పాలా? వద్దా?
యూత్ కార్నర్
- వేసవి కథ!
- 29 బాటిళ్లతో ఒక స్విమ్సూట్.. విదేశాల్లోనూ పాపులర్!
- Prachi Nigam: స్టేట్ ఫస్ట్.. అయినా బాడీ షేమింగ్ తప్పలేదు!
- ప్రాణం కోసం... ‘సూర్య నాయక్’
- Janhvi Kapoor : నచ్చిందే పదే పదే తింటుంటా!
'స్వీట్' హోం
- ఫర్నిచర్పై మరకలు పోవాలంటే..!
- ఈ డ్రింక్తో వేసవి వేడిని తరిమేయండి!
- రాత్రివేళకి... సుగంధాల రాణి!
- చెత్తబుట్ట నుంచి దుర్వాసన రాకుండా..!
- తేలిగ్గా వండేద్దాం..!
వర్క్ & లైఫ్
- గర్ల్ గ్యాంగ్తో వెకేషనా? అందాల ‘బాలి’ వెళ్లాల్సిందే!
- రంగులు తెలిసేలా!
- విజయానికి అందం అడ్డయ్యింది!
- భరణం ఇవ్వాల్సొస్తుందని ఉద్యోగం మానేశాడు!
- నేను బాగా పనిచేయడం లేదు!