ఈ ఆహారంతో టీకా దుష్ప్రభావాలు దూరం!
కొవిడ్ టీకా తీసుకున్న వారిలో తలనొప్పి, తేలికపాటి జ్వరం, ఒళ్లునొప్పులు, అలసట, నీరసం, వికారం, వాంతులు.. వంటి దుష్ప్రభావాలు తలెత్తడం సహజమే! అయితే ఇలాంటి సమయంలో వీటి నుంచి త్వరగా కోలుకోవాలంటే మనం తీసుకునే ఆహారమే కీలకమంటున్నారు నిపుణులు. కొన్ని పదార్థాలు ఈ సమస్యల నుంచి ఉపశమనం కలిగిస్తాయని చెబుతున్నారు. మరి, అవేంటో మనమూ తెలుసుకుందాం రండి..
కొవిడ్ టీకా తీసుకున్న వారిలో తలనొప్పి, తేలికపాటి జ్వరం, ఒళ్లునొప్పులు, అలసట, నీరసం, వికారం, వాంతులు.. వంటి దుష్ప్రభావాలు తలెత్తడం సహజమే! అయితే ఇలాంటి సమయంలో వీటి నుంచి త్వరగా కోలుకోవాలంటే మనం తీసుకునే ఆహారమే కీలకమంటున్నారు నిపుణులు. కొన్ని పదార్థాలు ఈ సమస్యల నుంచి ఉపశమనం కలిగిస్తాయని చెబుతున్నారు. మరి, అవేంటో మనమూ తెలుసుకుందాం రండి..
తృణధాన్యాలు (హోల్ గ్రెయిన్)
బార్లీ, బ్రౌన్ రైస్, ఓట్స్, క్వినోవా.. వంటి తృణధాన్యాల్లో యాంటీ ఆక్సిడెంట్లు, యాంటీ ఇన్ఫ్లమేటరీ గుణాలు, ఫైబర్ అధికంగా ఉంటాయి. ఇవి టీకా దుష్ప్రభావాలను చాలా వరకు తగ్గిస్తాయి. ఫైబర్తో పాటు పాలీఫినోల్స్ నిండి ఉండే ఈ పదార్థాలు జీర్ణవ్యవస్థలో తలెత్తే సమస్యల నుంచి కూడా ఉపశమనం కలిగిస్తాయి. శరీరంలో రోగనిరోధక శక్తితో పాటు శక్తి స్థాయులు పెరగడంలో కీలక పాత్ర పోషిస్తాయి.
నీటిని అందించాల్సిందే!
టీకా తీసుకునే ముందు, తర్వాత కూడా వీలైనంత ఎక్కువగా నీరు తాగాలి. దీనివల్ల నీరసం దరిచేరదు. అలాగే నీటి శాతం ఎక్కువగా ఉండే స్ట్రాబెర్రీ, పుచ్చకాయ, నారింజ, దోసకాయ, పాలకూర.. వంటివి ఆహారంలో చేర్చుకోవాలి. ఇవి శరీర ఉష్ణోగ్రతను క్రమబద్ధీకరించడంలో బాగా సహాయపడతాయి. వ్యాక్సిన్ వేసుకున్న భాగంలో వాపు, నొప్పితో పాటు ఒళ్లునొప్పులు, యాంగ్జైటీ.. వంటి సమస్యల్ని చాలా వరకు తగ్గిస్తాయివి. అంతేకాదు వీటిని తీసుకోవడం వల్ల యాంటీ ఇన్ఫ్లమేటరీ గుణాలు, ఫ్లేవనాయిడ్లు ఎక్కువ మొత్తంలో శరీరానికి అందుతాయి.
పసుపు పాలు
రోగనిరోధక శక్తిని పెంచి అనారోగ్యాల బారిన పడకుండా కాపాడే సుగుణాలు పసుపులో బోలెడన్ని ఉన్నాయి. దీనిలోని యాంటీ వైరల్, యాంటీ బ్యాక్టీరియల్, యాంటీ మైక్రోబియల్ గుణాలు నొప్పి నివారిణులుగా పనిచేస్తాయి. ఇక యాంటీ ఆక్సిడెంట్లు వాపును తగ్గించడంలో సహకరిస్తాయి. ఇందులోని కర్క్యుమిన్ అనే సమ్మేళనం జలుబు, దగ్గు, ఇతర ఇన్ఫెక్షన్ల నుంచి రక్షణ కల్పిస్తుంది. దీన్ని ఎలాగూ కూరల్లో వాడుతుంటాం కాబట్టి దాంతో పాటు సూప్స్, సలాడ్స్, పాలు, స్మూతీస్లోనూ చేర్చుకుంటే మరీ మంచిది.
కూరగాయలు
క్యాలీఫ్లవర్, బ్రకలీ, క్యాబేజీ, పాలకూర, బచ్చలికూర, గ్రీన్ యాపిల్, బీన్స్.. వంటి పదార్థాల్లో విటమిన్లు-ఎ, సి, కె, పొటాషియం, ఫోలేట్, మెగ్నీషియం.. అధికంగా లభిస్తాయి. ఇవి జీవక్రియల్ని సమన్వయ పరిచి.. టీకానంతర సమస్యల నుంచి త్వరగా ఉపశమనం కలిగేలా చేస్తాయి. కాబట్టి కూరలతో పాటు వీటిని సూప్స్లోనూ చేర్చుకోవడం ఆరోగ్యానికి అన్ని విధాలా మంచిది.
అల్లం టీ
వ్యాక్సినేషన్ దుష్ప్రభావాలను దూరం చేసుకోవాలంటే అల్లం టీ చక్కటి ఔషధమంటున్నారు నిపుణులు. ఇందులోని అమైనో ఆమ్లాలు, ఎంజైములు.. శారీరక వాపు, మానసిక ఒత్తిళ్లను దూరం చేస్తాయి. అల్లం టీ ఇష్టం లేనివారు నిపుణుల సలహా మేరకు జింజెరాల్ సప్లిమెంట్స్ తీసుకున్నా ప్రయోజనముంటుంది.
వీటిని దూరం పెట్టండి!
* ప్రాసెస్డ్ ఫుడ్స్లో ఉండే అధిక క్యాలరీలు, చెడు కొవ్వులు రోగనిరోధక వ్యవస్థపై ప్రతికూల ప్రభావం చూపుతాయి. తద్వారా టీకా వల్ల ఎదురయ్యే దుష్ప్రభావాలను తట్టుకునే శక్తి తగ్గిపోతుంది. అందుకే వీటికి వీలైనంత దూరంగా ఉండాలి.
* చక్కెరలు అధికంగా ఉండే పదార్థాలు తీసుకోవడం వల్ల ఒత్తిడి, యాంగ్జైటీ.. వంటి మానసిక సమస్యలు పెరుగుతాయి. ఇవి అంతిమంగా నిద్రపై ప్రతికూల ప్రభావం చూపుతాయి. కాబట్టి వీటి జోలికి వెళ్లకపోవడమే మంచిది.
ఈ జాగ్రత్తలతో పాటు ఎక్కువ సమయం విశ్రాంతి తీసుకోవడమూ మంచిదే! ఇలా టీకా తీసుకున్న తర్వాత సాధారణంగా వచ్చే దుష్ప్రభావాల నుంచైతే త్వరగానే కోలుకోవచ్చు. ఒకవేళ ఈ అనారోగ్యాలు రోజుల తరబడి వేధిస్తే మాత్రం నిర్లక్ష్యం చేయకుండా వైద్యులను సంప్రదించడం మాత్రం మర్చిపోవద్దు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- తారలు మెచ్చిన ‘ఫుల్కారీ’ ఫ్యాషన్.. ఈ స్టైలిష్ ట్రెండ్ గురించి తెలుసా?
- పొడవైన శిరోజాలతో... గిన్నిస్బుక్లో..!
- ఈ ఆహారంతో జుట్టు ఆరోగ్యంగా..!
- మెడ చుట్టూ నల్లగా అవుతోందా?
- గోళ్లు విరుగుతున్నాయా?
ఆరోగ్యమస్తు
- చనుబాలు ఎక్కువగా వస్తున్నాయి.. తగ్గేదెలా?
- మెనోపాజా... వ్యాయామం చేయండి!
- ఎండకో గొడుగు..!
- హార్మోన్లు సమతులంగా ఉండాలంటే..!
- ఎలక్ట్రోలైట్స్... తాగుతున్నారా?
అనుబంధం
- బద్ధకపు భర్తతో వేగలేకపోతున్నారా?
- లవ్ మ్యారేజ్.. అయినా సంప్రదాయాల పేరిట టార్చర్ చేస్తున్నాడు..!
- దాంపత్య బంధానికీ.. ఇవ్వాలి కాస్త విశ్రాంతి!
- బాస్ వివాహేతర సంబంధం.. అతడితో చెప్పాలా? వద్దా?
- నైపుణ్యాలకు సానపెట్టండిలా..
యూత్ కార్నర్
- వేసవి కథ!
- 29 బాటిళ్లతో ఒక స్విమ్సూట్.. విదేశాల్లోనూ పాపులర్!
- Prachi Nigam: స్టేట్ ఫస్ట్.. అయినా బాడీ షేమింగ్ తప్పలేదు!
- ప్రాణం కోసం... ‘సూర్య నాయక్’
- Janhvi Kapoor : నచ్చిందే పదే పదే తింటుంటా!
'స్వీట్' హోం
- ఈ డ్రింక్తో వేసవి వేడిని తరిమేయండి!
- రాత్రివేళకి... సుగంధాల రాణి!
- చెత్తబుట్ట నుంచి దుర్వాసన రాకుండా..!
- తేలిగ్గా వండేద్దాం..!
- ప్రకృతికి కోపం తెప్పిస్తున్నారా?
వర్క్ & లైఫ్
- గర్ల్ గ్యాంగ్తో వెకేషనా? అందాల ‘బాలి’ వెళ్లాల్సిందే!
- రంగులు తెలిసేలా!
- విజయానికి అందం అడ్డయ్యింది!
- భరణం ఇవ్వాల్సొస్తుందని ఉద్యోగం మానేశాడు!
- నేను బాగా పనిచేయడం లేదు!