Published : 16/04/2021 02:28 IST

ముఖం మీద ముడతలు పోవాలంటే...

ఎంత చక్కగా తయారైనా కళ్ల కింద నల్లటి వలయాలు... ముఖం మీద ముడతలు కనిపిస్తుంటే చూడ్డానికి బాగుండదు కదా.... అవన్నీ మాయమై మోము ప్రకాశవంతంగా మారాలంటే ఈ వ్యాయామాలను ప్రయత్నించొచ్చు.

కంటి కింద వలయాలు... చూపుడు వేళ్లను వంచి ముక్కుకు రెండు వైపులా పెట్టాలి. వాటితో కళ్ల కింద చర్మాన్ని పైకి లేపి కళ్ల చివరి వరకూ తీసుకెళ్లాలి. అక్కడి నుంచి వేళ్లను తిరగేసి వాటిని మెడ కింద వరకు తీసుకురావాలి.
కనురెప్పలు సాగితే... చూపుడు వేలిని వంచి కనుబొమ కింది చర్మాన్ని ఎత్తిపట్టుకోవాలి. ఇప్పుడు కంటిని పదిహేను నుంచి ఇరవైసార్లు మూసి తెరవాలి.
కళ్ల చివర ముడతలు... చూపుడువేలిని కనుబొమ మీద, బొటనవేలిని కంటి కిందా పెట్టాలి. ఇప్పుడు మరో చేతి బొటనవేలితో కంటిచివర ఎనిమిది అంకె వేస్తున్నట్టుగా మసాజ్‌ చేయాలి.
పెదవులు పొడిబారితే.. చూపుడు, బొటన వేళ్లతో పెదవులను నొక్కుకుంటూ కుడి నుంచి ఎడమకు, ఎడమ నుంచి కుడికి వెళ్లాలి. ఇలా ఇరవైసార్లు చేయాలి.
నోటి దగ్గరి ముడతలు.. నోటి నిండా గాలి పీల్చుకుంటే బుగ్గలు ఉబ్బి పైకిలేస్తాయి. అప్పుడు నోటిని చేత్తో కాసేపు నొక్కి ఉంచాలి. ఇలాచేస్తే నోటి చుట్టూ ఉండే ముడతలు మాయమవుతాయి.


గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని