Breaking | Feedback | ePratibha | E-PAPER | Pratibha

ఇదట.. ఆలియా రహస్యం!

తండ్రి వారసత్వంతో పరిశ్రమలోకి అడుగుపెట్టినా తనకంటూ గుర్తింపు తెచ్చుకుని అగ్రతారగా ఎదిగింది ఆలియాభట్‌. తొలిసారి తెలుగులో ఆర్‌ఆర్‌ఆర్‌ చిత్రంలో నటిస్తోన్న ఈ అందాలభామ తన సౌందర్య రహస్యాలను పంచుకుంది....

Updated : 28 Jul 2021 06:32 IST

అందంగా ఉండటం కోసం ఏం చేస్తానని చెప్పిందంటే...

* ముందుగా క్లెన్సింగ్‌/ చర్మానికి తగిన ఫేస్‌వాష్‌తో ముఖాన్ని శుభ్రంగా కడిగేయాలి.

*రోజ్‌వాటర్‌/ మంచి నీటితో ముఖాన్ని తడి చేసుకుని స్కిన్‌ మసాజర్‌తో మసాజ్‌ చేసుకోవాలి. దీనివల్ల రక్త ప్రసరణ బాగా జరుగుతుంది.

* నిద్ర సరిపోకపోయినా, ఒత్తిడి ఉన్నా ఆ ప్రభావం పడేది కళ్లపైనే. అందుకే కళ్లకింద అండర్‌ ఐ క్రీమ్‌ రాసుకోవాలి.

* తరువాత నైసినమైడ్‌ రాయాలి. ఇది ముఖంపై గీతలు, ముడతలు రాకుండా చేయడమే కాక చర్మాన్ని హైడ్రేట్‌ చేస్తుంది.

* కెఫిన్‌ సొల్యూషన్‌ డ్రాప్స్‌ను కళ్ల కింద రాయాలి. కళ్లు ఉబ్బినట్లుగా ఉన్నవారికి ఇది మంచి పరిష్కారం. ఫంక్షన్లు, ఫొటో, వీడియో షూట్స్‌ లేకపోతే దీన్ని వదిలేయొచ్చు.

* ఇప్పుడు మాయిశ్చరైజర్‌ రాయాలి. ఇది చర్మ ఆరోగ్యానికి చాలా ముఖ్యం కాబట్టి, నాణ్యమైనది ఎంచుకోవాలి.

* చివరగా సన్‌స్క్రీన్‌ రాసుకోవాలి. ఇంట్లోనే ఉన్నా ఇది తప్పదు. ఆ తర్వాతే మేకప్‌కి ప్రాధాన్యమివ్వాలి. అలాగే.. ముఖానికి రాసే వేటినైనా మెడతోపాటు చేతులకీ పట్టించాలి.

* సాయంత్రం బామ్‌ క్లెన్సర్‌ను ఉపయోగించాలి. కొద్దిగా నూనె స్వభావముండి, మేకప్‌ మొత్తాన్నీ తొలగిస్తుంది. ఇదండీ... ఆలియా స్కిన్‌కేర్‌ రొటీన్‌. నచ్చితే మీరూ ప్రయత్నించండి.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.