Breaking | Feedback | ePratibha | E-PAPER | Pratibha

ఇదే అసలైన బెనారస్‌ చీర!

అసలు సిసలు బెనారసీ పట్టుచీర ఒక్కటైనా కొనుక్కోవాలని.. ముచ్చటపడని ఇల్లాలుంటుందా?

Published : 28 Jul 2021 03:15 IST

అసలు సిసలు బెనారసీ పట్టుచీర ఒక్కటైనా కొనుక్కోవాలని.. ముచ్చటపడని ఇల్లాలుంటుందా? కానీ అది అసలైన బెనారసీ చీరే అని ఏంటి నమ్మకం? బోలెడు డబ్బులు పోసి కొన్న ఆ చీర నకిలీదైతే? ఆ సమస్య రాకుండా ఉండేందుకు... మహిళల్లో స్వచ్ఛమైన బెనారస్‌ చీరల పట్ల ప్రేమను పెంచేందుకు ఐఐటీ-బీహెచ్‌యూ (బెనారస్‌ హిందు యూనివర్సిటీ)ఓ వినూత్నమైన ప్రయోగానికి తెరతీసింది. చీరలోనే ఒక క్యూ ఆర్‌కోడ్‌ని ఉండేట్టు చేస్తోంది. కొనుగోలుదారులు ఈ క్యూఆర్‌ కోడ్‌ని స్కాన్‌ చేసినప్పుడు ఆ చీరని ఎక్కడ నేశారు, నేతన్న వివరాలు, నాణ్యతని తెలిసే సిల్క్‌మార్క్‌, జీఐలోగో వంటివన్నీ కనిపిస్తాయి. ‘చాలామంది ఎక్కువ డబ్బులు వెచ్చించాం కాబట్టి అదే అసలైన బెనారస్‌ అనుకుంటారు. మరికొందరికి పవర్‌లూమ్‌కి, హ్యాండ్‌లూమ్‌కి తేడా తెలియదు. ఈ సాంకేతిక పరిజ్ఞానాన్ని జోడించడం వల్ల నేత పని వారికీ మేలు జరుగుతోందని’ అంటున్నారు ఈ ఆవిష్కరణలో పాలుపంచుకున్న సాంకేతిక నిపుణులు.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.