Updated : 01/08/2021 05:23 IST

ఇంట్లోనే సులువుగా చేసేద్దాం!

అమ్మాయిలు... జిమ్‌కో, పార్కుకో వెళ్లి వ్యాయామం చేయాలంటే బద్ధకిస్తారు. ప్రస్తుతం కరోనా వల్ల ఆ పరిస్థితులూ లేవు. ఇలాంటప్పుడు ఈ కసరత్తులను ప్రయత్నిస్తే... ఇంట్లోనే ఒంట్లోని కొవ్వుని కరిగించుకోవచ్చు. శరీరాకృతిని తీర్చిదిద్దుకోవచ్చు... ఆరోగ్యంగానూ ఉండొచ్చు.

జంపింగ్‌ జాక్స్‌: ఉన్న చోటే ఎగిరి దూకండి. ఓ నిమిషం పాటు అలానే చేయండి. దీనివల్ల సులువుగా కెలొరీలు ఖర్చవుతాయి. ఇలా చేయడానికి ప్రత్యేకించి నైపుణ్యాలు అక్కర్లేదు. ఇది చక్కటి కార్డియో వ్యాయామం.

ఉన్నచోటే పరుగు: వాకింగ్‌, జాగింగ్‌ల కోసం పార్కుకే వెళ్లాల్సిన పనిలేదు. ఉన్న చోటే నిలబడి..ట్రెడ్‌మిల్‌ తరహాలో పరుగుతీయండి. గట్టిగా ఉండే నేల మీద మంచి బూట్లతో చేస్తే సరి.

కిక్‌ బాక్సింగ్‌: మీరు విన్నది నిజమే. ఇది కూడా చక్కటి వ్యాయామ మార్గం. మీరు చేయాల్సిందల్లా... కాళ్లు, చేతులతో గాల్లోకి పిడిగుద్దులు విసరడం. దీనిలో భాగంగా కాళ్లనూ, చేతులను వీలైనంత ఎక్కువగా స్ట్రెచ్‌ చేయొచ్చు. ఇది శరీరం సౌకర్యంగా సాగేలా చేస్తుంది. గుండెకూ మంచిది.


గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని