Updated : 29/08/2021 04:33 IST

అందమైన మోముకు!

సౌందర్య పోషణలో రకరకాల చిట్కాలు పాటిస్తాం. అయితే వీటితోపాటు రోజువారీ చేసే పనుల పట్ల ఉదాసీనంగానో, నిర్లక్ష్యంగా ఉంటాం. అలా కాకుండా అందాన్ని మెరుగుపరుచుకోవడానికి కొన్నింటిని పాటిస్తే అది రెట్టింపవుతుంది, మరి ఆ చిట్కాలేంటో చూద్దాం.

ముఖాన్ని శుభ్రం చేసుకోవడానికి ఫేస్‌వాష్‌నే వాడాలి. అలాగే శుభ్రం చేసుకున్న వెంటనే మాయిశ్చరైజర్‌ రాసుకోవాలి.

* కురుల కోసం ప్రత్యేకమైన పోషణ, సంరక్షణ తీసుకోవాలి. కొబ్బరినూనెతో మర్దనా చేసుకోవడం, గాఢత తక్కువగా ఉండే షాంపూ, కండిషనర్‌ వాడటం, జుట్టు పూతలు... ఇవన్నీ మీ కేశాలను ఆరోగ్యంగా ఉంచుతాయి.

* అన్ని రకాల పోషకాలు అందేలా ఆహారం తీసుకోవాలి. అవసరమైతే వైద్యుల సలహా మేరకు విటమిన్‌సప్లిమెంట్స్‌ను వాడాలి. అప్పుడే మీ జుట్టు, చర్మం, గోళ్లు ఆరోగ్యంగా ఉంటాయి.

* పెదాలకు రాత్రి పడుకోబోయే ముందు తప్పనిసరిగా లిప్‌బామ్‌/పెట్రోలియమ్‌ జెల్లీ రాసుకోవాలి.

* చర్మంతోపాటు, నఖ సంరక్షణకు సమయం కేటాయించాలి.

* మొటిమలను గిల్లకూడదు.  సాన్నానికి గోరువెచ్చటి, చల్లటి నీళ్లనే ఉపయోగించాలి.

* రోజులో తగినన్ని నీళ్లు తాగాలి. అప్పుడే శరీరం డీహైడ్రేట్‌కు కాకుండా తాజాగా ఉంటుంది.

* రోజూ అరగంట చొప్పున వారంలో కనీసం అయిదుసార్లు వ్యాయామం చేయాలి.

* రోజులో అల్పాహారాన్ని మానకూడదు. ఎందుకంటే మిగతా రోజంతా మీరెలా ఉండాలో ఇదే నిర్ణయిస్తుంది.

* కంటినిండా అంటే దాదాపు ఏడెనిమిది గంటలు నిద్రపోవాలి. అప్పుడే చర్మం ముడతలు, గీతలు పడకుండా ఆరోగ్యంగా, తాజాగా ఉంటుంది.

* ఆహారంలో ఎక్కువగా పండ్లు, కాయగూరలను తీసుకోవాలి.

* జంక్‌ ఫుడ్‌కు సాధ్యమైనంతగా దూరంగా ఉండాలి.

ఇవన్నీ తప్పనిసరిగా పాటిస్తే మీ చర్మం ఎల్లప్పుడూ ఆరోగ్యంగా, అందంగా ఉంటుంది ఏమంటారు మరి పాటిస్తారా..


గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని