Breaking | Feedback | ePratibha | E-PAPER | Pratibha

లిప్‌స్టిక్‌ ఒక్కటే... కానీ!

అందంగా ముస్తాబవడం అంటే అమ్మాయిలకు చాలా ఇష్టం. ఇందులో భాగంగా మేకప్‌కి ఎక్కువ ప్రాధాన్యం ఇస్తారు. ఒక్కోసారి సమయం తక్కువగా ఉంటుంది లేదా అన్ని సౌందర్య ఉత్పత్తులూ అందుబాటులో ఉండవు. అలాంటప్పుడు ఉన్న లిప్‌స్టిక్‌నే ఆల్‌ ఇన్‌ వన్‌గా వాడొచ్చు. దీన్ని ఉపయోగించి కొన్ని నిమిషాల్లో ఆకర్షణీయమైన లుక్‌ను సొంతం చేసుకోవచ్చు. ఎలా అంటే..

Updated : 09 Sep 2022 12:07 IST

కన్సీలర్‌గా... కంటి కింద వలయాలు అందాన్ని తగ్గిస్తాయి. ఇలాంటప్పుడు లిప్‌స్టిక్‌నే కన్సీలర్‌గా వాడి చూడండి. కాస్తంత లిప్‌స్టిక్‌ను చేత్తో తీసుకుని కళ్లకింద మృదువుగా రాయండి. అపైన ఫౌండేషన్‌ వేస్తే సరి.

ఐషాడోగా... కొద్దిగా లిప్‌స్టిక్‌ను కనురెప్పలపై రాయాలి. ఆ తర్వాత మస్కారా, ఐలైనర్‌ వేసుకోవాలి. ఇలా చేస్తే నిమిషాల్లోనే అందమైన, ఆకర్షణీయమైన ఐ మేకప్‌ మీ సొంతమవుతుంది.

బ్లష్‌లా... దీన్ని బుగ్గలకు బ్లష్‌లానూ వాడొచ్చు. కాస్తంత లిప్‌స్టిక్‌ను చెంపలపై రాసుకోవాలి. ఎరుపు, గులాబీ, పీచ్‌, ఆరెంజ్‌ రంగులనూ వాడి చూడండి. అందం రెట్టింపవడం ఖాయం.

హైలైటర్‌గా... ముదురు గోధుమ రంగు లిప్‌స్టిక్‌ను హైలైటర్‌గా ముఖానికి వేసి చూడండి. కాస్త ఎక్కువ మొత్తంలో వాడితే మరింత ఆకర్షణీయంగా కనిపిస్తారు.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.