Breaking | Feedback | ePratibha | E-PAPER | Pratibha

ఇంట్లోనే బ్లీచ్‌!

కాలంతో పనిలేకుండా కాలుష్యం, ఇతరత్రా కారణాలు చర్మంపై టాన్‌ పేరుకునేలా చేస్తాయి. దీన్ని వంటింటి వస్తువులతోనూ పోగొట్టుకోవచ్చు. అందుకోసం...

Updated : 26 Oct 2022 14:53 IST

నిమ్మరసం సహజ బ్లీచింగ్‌ ఏజెంట్‌. గులాబీ నీళ్లు, కీరదోసలు కూలింగ్‌ కారకాలు. ఈ మూడింటినీ సమాన పరిమాణంలో కలుపుకోవాలి. ఈ మిశ్రమంలో ముంచిన దూదితో టాన్‌ ఉండే చోట రాసుకోవాలి. ఆరాక చల్లటి నీటితో కడిగేసుకోవాలి. ఇలా బయట నుంచి తిరిగి ఇంటికి వచ్చిన వెంటనే చేస్తుంటే క్రమంగా నలుపు తగ్గుతుంది.

* రెండు టేబుల్‌ స్పూన్ల పెరుగులో, చిటికెడు పసుపు, చెంచా బాదం పేస్ట్‌, టేబుల్‌ స్పూన్‌ కమలాఫలం రసం, కొద్దిగా గులాబీనీళ్లు వేసుకుని బాగా కలపండి. దీన్ని ముఖానికి రాసి ఇరవై నిమిషాల తర్వాత కడిగేయండి. నలుపు తగ్గి చర్మం నిగారింపుగా కనిపిస్తుంది.

* ఓట్‌మీల్‌ పావుకప్పు తీసుకుని మజ్జిగలో నానబెట్టాలి. దాన్ని ముఖం, మెడ, మోచేతులకు రాసుకుని సవ్య, అపసవ్య దిశల్లో రుద్దుకోవాలి. ఇలా చేయడం వల్ల టాన్‌ తగ్గుతుంది. ముఖానికి తేమ అంది తాజాగా కనిపిస్తుంది.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.