Updated : 10/10/2021 06:15 IST

జుట్టు పట్టులా...

శిరోజాలకు నూనె మర్దనా ఎంత ముఖ్యమో, తల స్నానం తర్వాత కండిషనర్‌ కూడా అంతే ముఖ్యమంటున్నారు సౌందర్య నిపుణులు. సహజసిద్ధమైన కండిషనర్‌ జుట్టును ఆరోగ్యంగా ఉంచుతుందని సూచిస్తున్నారు.

* మెరిసేందుకు...
ఒక గిన్నెలో నాలుగు చెంచాల కలబంద గుజ్జును తీసుకుని, అందులో చెంచా నిమ్మరసం వేయాలి. ఈ మిశ్రమాన్ని బాగా కలిపి తలకు రాసుకుని అయిదు నిమిషాలపాటు ఆరనిచ్చి గోరువెచ్చని నీటితో శుభ్రపరుచుకోవాలి. ఇది పీహెచ్‌ స్థాయులను సమన్వయం చేసి, జుట్టును పట్టులా మెరిసేలా చేస్తుంది.

*  వెనిగర్‌తో..
రెండు కప్పుల నీటిలో రెండు చెంచాల యాపిల్‌సిడార్‌ వెనిగర్‌, చెంచా తేనె వేసి కలిపిన మిశ్రమాన్ని కుదుళ్లకు పట్టేలా రాయాలి. రెండు నిమిషాల తర్వాత గోరువెచ్చని నీటితో శుభ్రం చేయాలి. ఇలా చేస్తే జుట్టు మృదువుగా ఉంటుంది.

* ప్రొటీన్లతో...
ఒక గిన్నెలో గుడ్డు కొట్టి చెంచాతో బాగా కలపాలి. ఇందులో ఆరు చెంచాల పెరుగు వేసి మరొకసారి కలపాలి. ఈ మిశ్రమాన్ని జుట్టుకు పట్టించి, 15 నుంచి 20 నిమిషాలపాటు ఆరనివ్వాలి. ఆ తర్వాత మృదువుగా మర్దనా చేస్తూ జుట్టును శుభ్రం చేసుకుంటే చాలు. పెరుగులోని ప్రొటీన్లు, లాక్టిక్‌ యాసిడ్‌ మాడును శుభ్రపరిచి శిరోజాలను బలంగా ఉంచుతాయి.


గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని