Updated : 29/10/2021 06:20 IST

పోషణ... రక్షణ!

సౌందర్య పోషణకే కాదు దాని పరిరక్షణకూ సౌందర్య ఉత్పత్తులు వాడాల్సిందే. అవేంటి, వాటిని ఏయే సమయాల్లో ఉపయోగించాలి?

ఉదయం: రోజూ ముఖానికి క్లెన్సర్‌ను ఉపయోగించాలి. ఇందుకు నీటి ఆధారిత క్లెన్సర్‌ను ఎంచుకోవాలి. ఇది చర్మంలోని మలినాలను తొలగిస్తుంది. టోనర్‌ చర్మాన్ని శుభ్రం చేయడంతోపాటు తేమనూ అందిస్తుంది. మాయిశ్చరైజర్‌, ఎస్‌పీఎఫ్‌ క్రీమ్‌ తప్పనిసరి. మాయిశ్చరైజర్‌తో చర్మం తాజాగా ఉంటుంది.

రాత్రి.. ఎంత ఆలస్యమైనా పడుకునే ముందు తప్పనిసరిగా మేకప్‌ను తొలగించాలి. ఇందుకు క్లెన్సర్‌ అవసరం. పడుకోబోయే ముందు కళ్ల కింద క్రీమ్‌ను అప్లై చేయాలి. ఇది అక్కడి సున్నిత చర్మానికి పోషణనిస్తుంది. దీంతోపాటు మాయిశ్చరైజర్‌ రాసుకోవడం మరువద్దు.

వారానికి... వారంలో ఒక్కరోజైనా మొత్తం శరీరానికి నలుగు పెట్టేసి మృతకణాలను తొలగించుకోవాలి. మోముకు మాస్కులు, వాష్‌ షీట్స్‌ను వాడి చూడండి. ఇలా క్రమం తప్పక చేస్తే చర్మం కాంతులీనుతుంది

నెలకోసారి... నిపుణులతో ఫేషియల్‌, ఐబ్రోస్‌ త్రెడింగ్‌ చేయించుకోవాలి. నెలకోసారైనా మీ సౌందర్య సాధనాలను శుభ్రం చేసుకోవాలి.


Advertisement

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని