Breaking | Feedback | ePratibha | E-PAPER | Pratibha

శృతి రహస్యమిదీ!

Published : 28 Nov 2021 01:29 IST

వంట గదిలో దొరికే వాటితోనే ముఖాన్ని మెరిపించేయొచ్చంటోంది అందాల తార శృతిహాసన్‌. అందుకు తనేం చేస్తుందో చెప్పకొచ్చిందిలా... ‘వంటసోడాకు కొబ్బరినూనె కలిపి రెండుమూడు రోజులకోసారి ముఖానికి స్క్రబ్‌ చేస్తా. అప్పటికప్పుడు వేడుకకి వెళ్లాల్సొస్తే పెరుగు, తేనె సమాన పరిమాణంలో కలిపి ముఖానికి పట్టించి, ఓ పావుగంట ఆగి కడిగేస్తే మెరిసిపోతాం. రెండు స్ట్రాబెర్రీలను మెత్తగా చేసి, రెండు చెంచాల తేనె కలిపి ముఖానికి రాసి పది నిమిషాల తర్వాత కడిగినా ముఖం మెరుపులీనుతుంది. మజ్జిగలో టొమాటో రసం కలిపి రాస్తే ఎండవల్ల కలిగే మచ్చలను దూరం చేసి చర్మాన్ని మృదువుగా మారుస్తుంది. గుడ్డు తెల్ల సొనకు చెంచా బాదం నూనె కలిపి ముఖానికి మర్దనా చేసి చూడండి. చెంచా మిల్క్‌క్రీంకు సమానంగా కలబంద గుజ్జు, పావుచెంచా పసుపు కలిపి లేపనంలా వేసుకుంటే సరి. ఏ లేపనం వేసుకున్నా ముందు ముఖాన్ని మురికి లేకుండా శుభ్రం చేసుకోవాలి’ అంటోంది.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.