Updated : 19/10/2022 05:20 IST

జుట్టుకీ ముల్తానీ మట్టి!

మనకి ముల్తానీ మట్టి గురించి ప్రత్యేకించి చెప్పక్కర్లేదు. దీన్ని చర్మ సంరక్షణకే కాదు జుట్టుకీ వాడతారని తెలుసా?

ముల్తానీ మట్టిలో మెగ్నీషియం, క్వార్ట్జ్‌, సిలికా, ఇనుము, క్యాల్షియం, కాల్సైట్‌, డోలమైట్‌ వంటి ఖనిజాలు పుష్కలం. ఇవి కేశాలనూ ఆరోగ్యంగా ఉంచుతాయి. దీన్ని హెయిర్‌ ప్యాక్‌లా, షాంపూలా, కండిషనర్‌లా కూడా వాడొచ్చు.

కప్పు ముల్తానీ మట్టిని నీళ్లు పోసి పేస్ట్‌లా చేసుకోవాలి. దీనికి గుడ్డులోని తెల్లసొన, ఓ కప్పు నువ్వుల నూనె చేర్చి బాగా కలిపి తలకు పట్టించి ఆరనివ్వాలి. 20 నిమిషాలాగి చల్లటి నీళ్లతో కడిగేసుకుని ఆపై శీకాయతో తలస్నానం చేస్తే సరి. జుట్టు మృదువుగా మారుతుంది.

* ముల్తానీ మట్టికి కప్పు గులాబీనీళ్లు కలిపి తలకు ప్యాక్‌లా వేసుకుంటే... చుండ్రుకి కారణమయ్యే జిడ్డూ, దుమ్మూ, ధూళిని మట్టి గ్రహిస్తుంది. ఆపై బ్యాక్టీరియా వృద్ధిని అడ్డుకుని మాడుకి రక్తప్రసరణా అందిస్తుంది. మాడుపై పీహెచ్‌ శాతాన్ని సమన్వయం చేస్తుంది. ఇవన్నీ జుట్టు ఎదుగుదలకు దోహదం చేసేవే.

* జిడ్డు తలకు ముల్తానీ మట్టి ప్యాక్‌  బాగా పని చేస్తుంది. నీళ్లు కలిపి పేస్ట్‌లా చేసుకున్న ముల్తానీ మట్టి మిశ్రమం... రసాయన ప్రభావం ఉన్న షాంపూల వాడకం వల్ల ఎదురైన ప్రతికూలతల్ని తగ్గిస్తుంది. దీన్ని తలకు రాసుకుని కనీసం పది నిమిషాలు మృదువుగా మర్దన చేయాలి. ఆపై కుంకుడుకాయ రసంతో తలస్నానం చేయాలి. అప్పుడే మంచి ఫలితాలు అందుతాయి.


గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని