Published : 18/02/2023 00:13 IST

అలా మేకప్‌ చేయకూడదు!

మెరిసిపోవాల్సిన సందర్భమేదైనా కాస్త మేకప్‌ టచ్‌ ఇస్తుండటం మనకు అలవాటే! అయితే తెలియక చేసే చిన్న పొరపాట్లు చర్మ సమస్యలకు దారి తీయొచ్చని తెలుసా?

* తెలియకో, సమయం లేదనో, ఒక్కరోజుకి ఏమవుతుందిలే అనో మాయిశ్చరైజర్‌ రాయడం మానేస్తున్నారా? సరైన లుక్‌ రాకపోవడమే కాదు చర్మంపై దురదలకూ కారణం అవుతుంది. హైడ్రేటింగ్‌ సీరమ్‌, మాయిశ్చరైజర్‌ రాశాకే మేకప్‌ జోలికి వెళ్లండి.

* మేకప్‌ వేసేవారి వద్ద ఉండే పరికరాల్లో స్పాంజ్‌ ఒకటి కదూ! వాడిన ప్రతిసారి శుభ్రం చేయడం తప్పనిసరి. తరచూ వాడుతోంటే మూణ్నెళ్ల తర్వాత మార్చేయాలి.

* బుగ్గలకు కెంపు రంగు అద్దకుండా మేకప్‌ పూర్తవదు కదా! కలిసొస్తుందని లిప్‌స్టిక్‌నే ఉపయోగిస్తారు చాలామంది. అదీ ప్రమాదమేనంటారు నిపుణులు. దానిలో ఉపయోగించే రసాయనాలే అందుకు కారణమట. కాబట్టి, సరైన చీక్‌ టింట్‌నే ఎంచుకోవాలి.

* మేకప్‌ తొలగించడానికి నూనె లేదా నీటి ఆధారిత మేకప్‌ రిమూవర్‌లను ఎంచుకోండి. వైప్స్‌ చర్మాన్ని పొడిబారేలా చేయడంతోపాటు యాక్నేకీ దారి తీస్తాయి.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.