Published : 31/03/2023 00:15 IST

జుట్టుకి అరటిపూత!

జుట్టుకి తగిన పోషణ, సంరక్షణ ఉన్నప్పుడే...ఆరోగ్యంగా అందంగా ఎదుగుతుంది. ఇందుకోసం ఖరీదయిన సౌందర్య ఉత్పత్తులే వాడక్కర్లేదు. రోజూ మనం తినే అరటిపండే చాలు. ఇది ఎలా ఉపయోగపడుతుంది అంటారా?

* ఒక అరటిపండుని గుజ్జుగా చేసుకుని అందులో గుడ్డులోని తెల్లసొన, చెంచా నిమ్మరసం కలిపి బాగా మెత్తగా చేయాలి. దీనికి అరకప్పు పెరుగు కలిపి కుదుళ్ల నుంచి చివర్ల వరకూ పట్టించాలి. ఆరాక తలస్నానం చేస్తే సరి. పొడిబారిన జుట్టు పట్టుకుచ్చులా మారుతుంది.

* బాగా మగ్గిన అరటిపండు ఒకటి తీసుకుని గుజ్జులా చేసుకోవాలి. అందులో చెంచా చొప్పున కొబ్బరి, ఆలివ్‌నూనె కలిపి తలకు పూతలా వేసుకోవాలి. అరగంట తర్వాత గోరువెచ్చని నీళ్లతో కడిగేయాలి. ఇలా వారానికి రెండుసార్లు చేయాలి.

* జుట్టు ఎక్కువగా రాలుతోందా.. కప్పు అరటిపండు గుజ్జులో రెండు పెద్ద చెంచాల కలబంద గుజ్జు కలిపి తలకు పట్టించండి. ఆరాక తలస్నానం చేస్తే సరి. ఇందులోని పోషకాలు జుట్టుని ఆరోగ్యంగా ఉంచుతాయి.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.