Breaking | Feedback | ePratibha | E-PAPER | Pratibha

చేపల మధ్య ఈత కొడితే...!

సినీనటి కియారా అడ్వాణీ పేరు తెలియని వారుండరేమో! తక్కువ చిత్రాలతోనే...తన అందం, అభినయంతో ఆకట్టుకున్న ఈ తార...తన ఫిట్‌నెస్‌ రహస్యాలను చెప్పుకొచ్చిందిలా.

Published : 09 Aug 2021 06:34 IST

అందంగా కనిపించడానికే కాదు... ఆరోగ్యంగా ఉండటానికీ ఫిట్‌నెస్‌ అవసరం. అలాగని ప్రతి రోజూ జిమ్‌లోనే గడిపేస్తానని అనుకోవద్దు. వారానికి నాలుగైదు రోజులు మాత్రమే వ్యాయామాలకు కేటాయిస్తా. అవి కూడా నిత్యం కొత్తగా ఉండేలా ఎంపిక చేసుకుంటా. స్క్వాట్స్‌, రన్నింగ్‌, బరువులెత్తడం వంటివాటితో పాటు డ్యాన్స్‌ కలిసే కసరత్తులను ఎంచుకుంటా. ఇవన్నీ ఉత్సాహాన్ని అందిస్తాయి. మిగతారోజుల్లో ఈత, కిక్‌ బాక్సింగ్‌ వంటివి సాధన చేస్తా. ముఖ్యంగా అండర్‌ సీ స్విమ్మింగ్‌ అంటే నాకెంతో ఇష్టం. నీళ్ల కింద రంగురంగుల చేపల మధ్య ఈదుతుంటే మనసంతా ప్రశాంతంగా మారిపోతుంది. ఇవే కాదు..ఖాళీ దొరికితే ట్రెక్కింగ్‌ చేయడమూ ఇష్టమే. ఇవన్నీ నన్ను శారీరకంగా ఆరోగ్యంగా ఉంచడంతోపాటు మానసికానందాన్ని అందిస్తాయి. ఆరోగ్యంగా ఉన్నామంటే అది మన అందాన్ని మరింత పెంచుతుంది. సంతోషం నిండిన ముఖం ఆకర్షణీయంగా కనిపిస్తుంది. అందుకే ఆధునిక, సంప్రదాయ దుస్తులు ఏవి ధరించినా నాకు ఇట్టే నప్పుతాయి.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.