Published : 15/11/2021 00:36 IST

పొట్ట తగ్గించే కుర్చీ వ్యాయామం!

ఉద్యోగినులు గంటల తరబడి కూర్చొనే ఉండటంతో ఒళ్లుతో పాటు పొట్టా పెరుగుతుంది. రకరకాల అనారోగ్యాలు చుట్టుముట్టే ప్రమాదమూ ఉంది. ఈ పెరిగే పొట్టను కూర్చొన్న చోటే ఎలా కరిగించాలో చూద్దామా..

నీ టు చెస్ట్‌ లిఫ్ట్‌

వెన్ను నిటారుగా పెట్టి కుర్చీలో కూర్చోవాలి. కాళ్లను కింద పెట్టాలి కానీ నేలను తాకించొద్దు. ఇప్పుడు కుడికాలిని మోకాలి వరకు మడిచి చేతులతో పట్టుకుని ఛాతీని తాకించే ప్రయత్నం చేయాలి. కాళ్లను మారుస్తూ 20 నుంచి 30 సార్లు చేయాలి. ఇలా చేయడం వల్ల పొట్ట కండరాలు బలంగా మారతాయి. జీర్ణక్రియ మెరుగుపడుతుంది. అలాగే ఆ ప్రాంతంలోని కొవ్వు కరుగుతుంది.

డబుల్‌ నీ లిఫ్ట్‌

కాళ్లను దగ్గరగా పెట్టి చేతులతో కుర్చీ రెండువైపులా గట్టిగా పట్టుకోవాలి. ఇప్పుడు వెన్నును నిటారుగా పెట్టి, మెల్లిగా రెండు కాళ్లనూ పైకి లేపి మోకాలి వరకు మడిచి ఛాతీ వరకు తీసుకువెళ్లాలి. ఇలా చేయడం వల్ల పొట్ట కండరాలపై ఒత్తిడి పడుతుంది. ఇప్పుడు కాళ్లను కిందకు తీసుకురావాలి. అయితే నేలను తాకించొద్దు. దీన్ని 10-12 సార్లు చేయాలి.

దీనివల్ల పొట్ట కండరాలన్నీ చురుగ్గా, బలంగా మారతాయి. అక్కడి కొవ్వు కరుగుతుంది.


Advertisement

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని