Updated : 19/11/2021 05:30 IST

చలిగాలులకు చిక్కకుండా...

వాతావరణం మారింది. చలి గాలులు మొదలయ్యాయి. ఈకాలానికి తగ్గ జాగ్రత్తలు తీసుకోకపోతే అనారోగ్యాలు తప్పవు మరి...

* రక్షణ ఇలా...! వాకింగ్‌కి వెళ్తున్నా, ఆలస్యంగా ఇంటికి వస్తున్నా... చలిగాలుల్ని తట్టుకునేలా చర్మాన్ని కప్పి ఉంచే దుస్తుల్ని ఎంచుకోండి. ఉన్ని రకాలైతే మరీ మంచిది. సైనస్‌, ఇతరత్రా అనారోగ్య సమస్యలు ఉన్నవారు తప్పనిసరిగా చెవులకు ఇయర్‌ మఫ్స్‌, గ్లవుజులు, సాక్స్‌లు వేసుకోవాలి.
* ఇమ్యూనిటీ కోసం: చలికి ముసుగు కప్పుకొని పడుకుంటే ఎంత బాగుండునో అనిపిస్తుంది. కానీ... అలా చేస్తే వ్యాధినిరోధక శక్తి తగ్గిపోయే ప్రమాదం ఉంది. అందుకే సూర్యకిరణాలు తగిలేలా కనీసం ఓ అరగంట ఆరుబయట ఏదో ఒక వ్యాయామం చేయండి.

* డీహైడ్రేషన్‌ రాకుండా..: చలికాలంలో ఓ పట్టాన నీళ్లు తాగబుద్ధి కాదు. మానేస్తే శరీరం డీహైడ్రేషన్‌కి గురవుతుంది. గోరువెచ్చటి నీళ్లను తాగితే...జీర్ణశక్తి బాగుంటుంది. డీహైడ్రేషన్‌ సమస్య కూడా ఉండదు. అలానే ఆహారం వేడిగా ఉన్నప్పుడే తినడం, సూపులు తాగడం వంటివి చేస్తే మంచిది.

* పొడిబారకుండా: చలి గాలుల వల్ల వాతావరణంలో తేమ తగ్గుతుంది. దీని ప్రభావంతో చర్మం, జుట్టు పొడి బారతాయి. కాలిపగుళ్లూ ఇబ్బందిపెడతాయి. ఆ పరిస్థితి తలెత్తకుండా ఇలా చేయండి. సమపాళ్లల్లో కొబ్బరి, బాదం నూనెల్ని వేడిచేసి అందులో చెంచా పసుపు కలపాలి. ఆ మిశ్రమం గోరు వెచ్చగా ఉన్నప్పుడు అరికాళ్లకు రాయాలి. అలానే నువ్వుల నూనెను ఒంటికి రాసి మర్దనా చేయాలి. వీటి వల్ల ఒంటికీ, పాదాలకు రక్తప్రసరణ సక్రమంగా జరుగుతుంది.


Advertisement

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని