Updated : 09/01/2022 00:32 IST

వీటికి వీడ్కోలు పలకండి!

ఒమిక్రాన్‌ కేసులు పెరిగి పోతున్నాయ్‌. మీరూ రోగనిరోధక శక్తిని పెంచే ప్రయత్నాల్లో ఉంటారు కదా! వాటితోపాటు వేటిని దూరంగా ఉంచాలో కూడా తెలుసుకోండి మరి!

* చక్కెర... ఎక్కువగా ఉండే బేకరీ పదార్థాలు, మిఠాయిలు, డ్రింక్‌లకు దూరంగా ఉండాలి. వీటితో కొవ్వు పెరగడమే కాదు.. గుండె జబ్బులకీ దారితీస్తాయి.

* మైదా, దాంతో చేసిన బ్రెడ్‌, బాగా పాలిష్‌ చేసిన బియ్యం.. ఇన్‌ఫ్లమేషన్‌కు దారితీస్తాయి. ఆ ప్రభావం రోగనిరోధక శక్తిపై పడుతుంది. బదులుగా పీచు, పిండి పదార్థాలను అందించే ఆహారంపై ఎక్కువ దృష్టి పెట్టాలి.

* ఎక్కువ శుద్ధి చేసిన నూనెలూ ఇన్‌ఫ్లమేషన్‌ను కలిగిస్తాయి. శరీరంలో మంచి బ్యాక్టీరియాపైనా ప్రభావం చూపుతాయి. గానుగ నూనెలను వాడితే చెడు కొలెస్ట్రాల్‌ను తగ్గించి, రక్తపోటునూ నియంత్రణలో ఉంచుతాయి.

* కాఫీలో యాంటీ ఆక్సిండెంట్లు, యాంటీ ఇన్‌ఫ్లమేటరీ గుణాలు అధిక మోతాదులో ఉంటాయి. పరిమితంగా తీసుకుంటే మంచిదే. అతిగా మారితే అజీర్తి, కడుపు ఉబ్బరంతోపాటు రోగనిరోధక శక్తి పైనా ప్రభావం చూపుతుంది. తక్కువ కెఫెన్‌ ఉన్నవాటిని ఎంచుకుంటే మేలు.

* ప్రాసెస్డ్‌ మాంసమూ గుండెజబ్బు, రక్తపోటుతోపాటు కొన్నిసార్లు క్యాన్సర్‌కీ కారణమవుతుంది. అందువల్ల తాజా దానికే ప్రాధాన్యమివ్వండి.


Advertisement

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని