Updated : 30/01/2022 06:30 IST

ఆందోళన తగ్గించే ముద్ర

మనమంతా ఇంటిపని, బయటి పనులతో అలసిపోతుంటాం. ఆ పని ఒత్తిడి ఒక్కోసారి ఆందోళనకు దారి తీస్తుంది. దాన్ని అధిగమించడానికి ఏవో వ్యాపకాలు పెట్టుకుంటాం. అంతకంటే ముందు ‘వజ్ర పద్మ ముద్ర’ ప్రయత్నించి చూడండి. అలసట, ఆందోళనల నుంచి ఇట్టే బయటపడొచ్చు...

పనిభారం పెరిగి లేదా మరేదైనా కారణంతో ఒత్తిడిగా అనిపించినప్పుడు ఈ ముద్రలో కూర్చుంటే ఎంతో ప్రయోజనం ఉంటుంది.

ఎలా చేయాలంటే...

మీ రెండు చేతుల అన్ని వేళ్లనూ ఒకదానితో ఒకటి కలిపి బొటనవేలును కూడా దగ్గరగా పెట్టుకోవాలి. ఛాతీభాగానికి అంటించకుండా కొద్ది దూరానుంచాలి. కింద కూర్చోలేనివాళ్లు కుర్చీలో కూడా  చేయొచ్చు. కళ్లు మూసుకుని మెల్లగా శ్వాస తీసుకుంటూ వదులుతూ ‘ఓం వజ్ర పద్మేహూ.. ఓం మణి పద్మేహూ’ అనుకుంటూ చేయాలి.  యాంగ్జయిటీ ఎక్కువగా ఉన్నవాళ్లు రోజుకు ఐదు నిమిషాల చొప్పున మూడుపూటలా చేయండి. దీన్ని తినగానే మాత్రం చేయకూడదు.


Advertisement

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని