Published : 10/02/2022 00:12 IST

కలిపి తాగితే సరి!

అందం, ఆరోగ్యం సమస్య ఏదైనా.. తగినన్ని నీటిని తాగమంటారు వైద్యులు. ఒక్కోసారి మర్చిపోతుంటే.. ఇంకొన్నిసార్లు రుచి తగలక తాగబుద్దేయదు. మరెలా? కొన్ని పదార్థాలను జోడించుకుంటే సరి. వీటివల్ల అదనపు ప్రయోజనాలు కూడా!

* నిమ్మ.. విటమిన్‌-సి పుష్కలం. నిమ్మరసం కలిపిన నీళ్లు జీర్ణక్రియను మెరుగుపరిచే ఎంజైమ్‌ల ఉత్పత్తిని ప్రేరేపిస్తాయి.

* యాపిల్‌ సిడార్‌ వెనిగర్‌... గ్లాసు నీటిలో రెండు చెంచాల యాపిల్‌ సిడార్‌ వెనిగర్‌ కలిపి తాగండి. ఇది శరీరంలోని మలినాలను బయటకు పంపి, జీవక్రియలకు కావాల్సిన శక్తినిస్తుంది.

* పుదీనా... కొన్ని పుదీనా ఆకులను నీటిలో మరిగించి తాగితే నోట్లో లాలాజల గ్రంథుల పనితీరు మెరుగుపడుతుంది. జీర్ణరసాల ఉత్పత్తితోపాటు కడుపు ఉబ్బరమూ తగ్గుంది.

* కీరా... కొన్ని కీరా ముక్కలను వేసి ఆ నీటిని కొన్ని గంటలు పక్కన ఉంచాలి. ఆ తర్వాత తాగితే సరి. ఇది జీర్ణక్రియ చక్కగా జరిగేలా చేసి, మలబద్ధక సమస్య రాకుండా చూస్తుంది.

* దాల్చిన చెక్క... ఆరోగ్యానికే కాదు... అందానికీ ఉపయుక్తం ఇది. మొటిమలనూ దూరం చేస్తుంది. గ్లాసు నీళ్లలో పావు చెంచా దాల్చిన చెక్క పొడి కలిపితే చాలు. ఇంకా పేగుల్లోని హానికారక సూక్ష్మజీవులను నిర్మూలించి జీర్ణక్రియను మెరుగు పరుస్తుంది.


Advertisement

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని

బ్యూటీ & ఫ్యాషన్

మరిన్ని

అనుబంధం

మరిన్ని

యూత్‌ కార్నర్

మరిన్ని

మంచిమాట


'స్వీట్' హోం

మరిన్ని

వర్క్‌ & లైఫ్

మరిన్ని

సూపర్‌ విమెన్

మరిన్ని