Updated : 06/04/2022 01:26 IST

మండుతోందా.. వీటిని తాగేయండి!

నెలసరి సమీపిస్తున్నప్పుడూ, కొందరిలో ప్రెగ్నెన్సీ సమయంలో అసిడిటీ పలకరిస్తుంటుంది. ఆలస్యంగా పడుకొని ఉదయాన్నే లేవడం, వేళకు తినకపోవడం.. ఇలా దీనికి ఎన్ని కారణాలో.  ఉపశమనం కోసం చూస్తున్నారా?

* ముల్లంగి రసంలో కాస్త తేనె కలిపి తాగి చూడండి. దీనిలోని ఫైబర్‌ అసిడిటీకి చెక్‌ పెట్టడంతోపాటు అజీర్తి, మల బద్ధక సమస్యలనూ దూరం చేస్తుంది.

* పుదీనా ఆకుల్ని నీటిలో మరిగించి, వడకట్టి చల్లార్చి లేదా పుదీనా రసాన్ని నేరుగా చల్లని నీటిలో కలిపి అయినా తాగండి. ఆసిడ్‌ల ఉత్పత్తిని నిరోధించడంతోపాటు కడుపులో మంటనీ తగ్గిస్తుంది.

* గ్లాసు నీటిలో చెంచా జీలకర్ర, వామును రాత్రంతా నానబెట్టాలి. ఈ నీటిని వడకట్టి పరగడుపున తాగాలి. కొద్ది రోజులు రోజూ ప్రయత్నిస్తే మెటబాలిజంతోపాటు జీర్ణప్రక్రియా మెరుగుపడుతుంది.

* గ్యాస్‌ పట్టినట్టుగా అనిపిస్తే చల్లని పాలు తాగేయండి. దీనిలో ఉండే కాల్షియం కడుపులో ఆసిడ్‌ల ఉత్పత్తిని తగ్గించడమే కాక త్వరిత ఉపశమనాన్ని అందిస్తుంది.

* మలబద్ధకం, పొట్టపట్టినట్లుగా అనిపిస్తోంటే పాలల్లో గులాబీ రేకలను మరిగించి, తాగండి. ఉపశమనం లభిస్తుంది.


గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని