Updated : 06/05/2022 05:51 IST

నోటికి నోనో నేర్పండి!

కొందరికి ఎప్పుడూ ఏదో ఒకటి తింటూనే ఉండటం అలవాటు. అయితే ఇది ఆరోగ్యానికి మంచిది కాదు. మరి దీన్ని ఎలా నియంత్రించుకోవాలి?

* మీరు ఉద్యోగిని అయితే ఆఫీసు కప్‌ బోర్డుల్లో ఉండే కుకీస్‌, బిస్కట్లు, స్వీట్లు... అన్నింటినీ తీసేసి ఖాళీగా ఉంచండి.

* ఎదురుగా తినుబండారాలు కనిపించినప్పుడు వాటి వైపు నుంచి దృష్టి మరల్చుకునేందుకు అక్కడి నుంచి వెళ్లిపోండి. లేదా మరో పని మీదకు దృష్టి మళ్లించండి. తీపి తినాలపించినప్పుడల్లా క్యారెట్‌, యాపిల్‌, కీరా లాంటివి తీసుకోవడం మొదలుపెట్టండి. కొన్నాళ్లకు అలవాటైపోతుంది. 

* సమయానికి, సరైన మోతాదులో పోషకహారాన్ని తీసుకోవాలని నియమం పెట్టుకుని దాన్ని తు.చ. తప్పకుండా ఆచరించాలి. 

* ఆరోగ్యాన్నిచ్చే పదార్థాలనే తింటా....  అంటూ తాజా కాయగూరలు, ఆకుకూరలు, పండ్లు, తృణధాన్యాలు, పొట్టుతో ఉండే పప్పుదినుసులను ఆహారంలో నిత్యం తీసుకోండి. ఏదైనా వేడుకో, పండగప్పుడో నచ్చిన స్వీట్‌/ చాక్లెట్‌/ ఐస్‌క్రీమ్‌ లాంటివి అదీ తక్కువ మోతాదులో తినండి.


గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని