Breaking | Feedback | ePratibha | E-PAPER | Pratibha

ఆలస్యమవుతోందా.. చేసేయండిలా!

నెలసరి సమయంలో నొప్పి, అసౌకర్యం.. లాంటివి సాధారణమే! అది వచ్చినపుడే కాదు.. ఆలస్యమైనప్పుడూ శారీరకంగా చాలా ఇబ్బంది అనిపిస్తుంది. వాతావరణ మార్పులు, జీవనశైలి కారణంగా చాలామందికి నెలసరి తప్పుతుంటుంది.

Published : 09 Mar 2023 01:13 IST

* కొద్దిపాటి వ్యాయామం కండరాలకు విశ్రాంతి నివ్వడమే కాదు.. నెలసరిని క్రమబద్ధీకరించడంలోనూ సాయపడుతుంది. తేలిక నుంచి మధ్యస్థ వ్యాయామాలను రోజులో భాగం చేసుకోండి. సాధారణంగా అధిక బరువు, హార్మోనుల్లో అసమతుల్యత నెలసరి ఇబ్బందులకు కారణమవుతుంది. వ్యాయామం ఈ రెంటికీ చెక్‌ పెట్టేయగలదు. నడక, ఏరోబిక్స్‌, డ్యాన్స్‌.. ఇలా నచ్చినదానికి రోజూ 30 నిమిషాలు కేటాయించాలంతే.

* శారీరక సమస్యలే కాదు.. ఒత్తిడి ప్రభావం కూడా నెలసరిపైనే పడుతుంది. కాబట్టి, వీలైనంత ప్రశాంతంగా మనసును ఉంచుకునే ప్రయత్నం చేయండి. యోగా, ధ్యానం, స్నేహితులతో సమయం గడపడం, పాటలు వినడం.. ఇలా మీ మనసుకు శాంతిని చేకూర్చే వాటిపై దృష్టిపెడితే సరి.

* విటమిన్‌ సి ఈస్ట్రోజన్‌ స్థాయులను పెంచుతుంది. అంతేకాదు శరీరక ప్రక్రియలు సక్రమంగా జరగడానికి అవసరమైన వేడినీ పుట్టించగలదు. ఇది మెన్‌స్ట్రువల్‌ సైకిల్‌కీ ప్రయోజనకరం. కాబట్టి, ఇది ఎక్కువగా ఉండే పండ్లు, కూరగాయలకు రోజువారీ ఆహారంలో చోటివ్వండి.

* నెలసరిని క్రమబద్ధీకరించడంలో బెల్లానిదీ ప్రధాన పాత్రే. సంప్రదాయ విధానమే అయినా బాగా పనిచేస్తుంది కూడా! అదనంగా ఐరన్‌, హిమోగ్లోబిన్‌నీ వృద్ధి చేస్తుంది. రోజూ తీసుకుంటే సరి!

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.