ఉపశమనానికి జీలకర్ర
సాధారణంగా చిన్న పిల్లలల్లోగాని, పెద్దవారిలో కానీ తిన్నది అరగకనో, ఫుడ్‌ పాయిజనింగ్‌, తలనొప్పి, అనారోగ్యం వంటి కారణాల వల వికారంగా ఉండి వాంతులు అవుతుంటాయి.
Published : 01 Jul 2023 00:23 IST
సాధారణంగా చిన్న పిల్లలల్లోగాని, పెద్దవారిలో కానీ తిన్నది అరగకనో, ఫుడ్‌ పాయిజనింగ్‌, తలనొప్పి, అనారోగ్యం వంటి కారణాల వల వికారంగా ఉండి వాంతులు అవుతుంటాయి. దాంతో నిస్సత్తువ ఆవరిస్తుంది. ఈ ఇబ్బందిని అధిగమించాలంటే...
- నీళ్లు తాగండి: వాంతులు ఎక్కువగా అవ్వటం వల్ల శరీరంలో నీటి శాతం తగ్గిపోయి డీహైడ్రేషన్‌కు గురవుతారు. నీటిని తాగడం వల్ల శరీరం రీహైడ్రేట్‌ అవుతుంది. ద్రవాహారం కడుపులో తేలిగ్గా జీర్ణమై ఉపశమనం కలిగిస్తుంది.
- ఓఆర్‌ఎస్‌ తీసుకుంటే..: నీరసం తగ్గి శరీరంలో ఓపిక పుంజుకుంటుంది. ఈ పానీయాన్ని ఇంట్లో కూడా తయారు చేసుకోవచ్చు. 200 మి.లీ నీటిలో రెండు స్పూన్ల పంచదార, చిటికెడు ఉప్పు, అరస్పూన్‌ నిమ్మరసం, చిటికెడు జీలకర్ర పొడి, ఐదారు పుదీనా ఆకులు వేసుకుని కలిపి తాగండి. ఇది వాంతులను తగ్గించటంలో సహాయపడుతుంది. ప్రాచీన కాలం నుంచీ దీన్ని ఔషధంలా వాడుతున్నారు.
- అల్లం: వాంతుల తీవ్రతను తగ్గించడంలో సహాయపడుతుందని అధ్యయనాలు చెబుతున్నాయి. ఇది యాంటీ ఎసిటిక్‌ గుణాన్ని కలిగి ఉంటుంది. వికారం, వాంతుల నుంచి ఉపశమనం కలిగిస్తుంది. దీన్ని నేరుగా తినలేని వారు కాస్త ఉప్పులో అద్దుకుని తింటే సరి.
- జీలకర్ర: జీర్ణానికి సహాయపడే వాటిలో జీలకర్ర ఒకటి. దోరగా వేయించి చిటికెడు ఉప్పుతో కలిపి నోట్లో వేసుకుని నమిలితే చాలు... వాంతులను ఆపేయొచ్చు.
- నిమ్మరసం: గ్లాసు నీటిలో అరచెక్క నిమ్మ రసాన్ని పిండుకొని తాగితే ఈ ఇబ్బందికి అడ్డుకట్ట వేయొచ్చు. ఒకవేళ నేరుగా తాగలేకపోతే కాస్త ఉప్పు చల్లీ తీసుకోవచ్చు. ప్రయాణాల్లో దీని వాసన పీల్చినా సమస్య దూరమవుతుంది.
- లవంగాలు: నోట్లో రెండు లవంగాలను వేసుకోండి దీని వాసన, రుచీ వాంతులను ఆపడానికి సహాయపడతాయి. అలాగే లవంగం టీ తాగినా ఫలితం ఉంటుంది.
Trending
Read latest
Women News and
Telugu News
Tags :
గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
