Breaking | Feedback | ePratibha | E-PAPER | Pratibha

పెళ్లయితే వదిలెయ్యాలా?

అమ్మాయిలకు పెళ్లితో చాలా మార్పులొస్తాయి. ఆఖరికి చెట్టాపట్టాలేసుకుంటూ తిరిగిన నేస్తాల్ని కూడా ఒక్కోసారి పక్కన పెట్టేయడం చూస్తుంటాం. భర్త, అత్తింటివారు ఎంత ముఖ్యులైనా ఆప్తమిత్రులూ అవసరమే. ఆ స్నేహం కొనసాగిస్తేనే జీవనం ఆహ్లాదంగా సాగుతుంది...

Updated : 27 Nov 2021 06:08 IST

పెళ్లి కొత్త అధ్యాయమే. కానీ అందాకా ఉన్నదంతా చెరిపేసి రాసే కొత్త కథ కాదు! కనుక పెళ్లవ్వగానే బాల్య స్నేహాలను తుంచేయాల్సిన పనిలేదు. ఎందరు బంధువులున్నా నెచ్చెలి పాత్రను భర్తీ చేయలేరు.

* పెళ్లితో బాధ్యతలు పెరుగుతాయి, నిజమే. కానీ ఆ అలసటలన్నీ తీరేది ప్రాణసఖి సంభాషణతోనే. కనుక పనులన్నీ చక్కబెట్టుకుంటూనే నేస్తం కోసమూ సమయాన్ని కేటాయించండి.

* భర్త వచ్చాకా ప్రాణప్రదంగా చూసుకున్న నెచ్చెలిని మర్చిపోతే ఎంత నొచ్చుకుంటుందో ఆలోచించండి. రేపెప్పుడో మీకు ఒంటరితనంగా అనిపిస్తే ఆమె అక్కున చేర్చుకోగలదా?!

* ఆనందాలను నేస్తంతో చెప్పుకొంటే రెట్టింపవుతాయి. మెలిపెట్టే ఆందోళనలు ఆమెతో పంచుకుంటే గుండెభారం తీరినట్టు ఉంటుంది. ఆ స్నేహమే జీవితాన్ని పరిమళింపజేస్తుంది.

* మీకెంతో నచ్చిన నేస్తాల్ని భర్త, అత్తమామలకూ పరిచయం చేయండి. క్రమంగా వారూ కుటుంబ సభ్యుల్లా కలిసిపోతారు. అప్పుడిక వారిని కోల్పోయే ప్రసక్తే ఉండదు

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.