గెలిపించడానికి ప్రయత్నించొద్దు..
పిల్లలు వారంతట వారు విజయం సాధించాలే కానీ ఏదోలా గెలిపించడానికి అమ్మానాన్నలు ప్రయత్నించద్దంటున్నారు నిపుణులు. లేకపోతే వారికి గెలుపు రుచి తప్ప, ఓటమిని భరించలేని స్థాయికి చేరే ప్రమాదం ఉందని హెచ్చరిస్తున్నారు. గెలిచేందుకు అవసరమైన నైపుణ్యాలను మాత్రం నేర్పాలని సూచిస్తున్నారు.
పిల్లలు వారంతట వారు విజయం సాధించాలే కానీ ఏదోలా గెలిపించడానికి అమ్మానాన్నలు ప్రయత్నించద్దంటున్నారు నిపుణులు. లేకపోతే వారికి గెలుపు రుచి తప్ప, ఓటమిని భరించలేని స్థాయికి చేరే ప్రమాదం ఉందని హెచ్చరిస్తున్నారు. గెలిచేందుకు అవసరమైన నైపుణ్యాలను మాత్రం నేర్పాలని సూచిస్తున్నారు.
అందరితో కలిసి ఆడే సమయంలో ఆ ఆట నియమాలు పిల్లలకు ముందుగానే చెప్పాలి. వాటిని ఎలా అనుసరించాలో నేర్పాలి. వాటిని పాటించకపోయినా లేదా తెలివిగా ఆడకపోయినా ఓటమి తప్పదని అవగాహన కలిగించాలి. అవన్నీ గెలవాలనే ఆసక్తిని పెంచుతాయి. పట్టుదలగా ఆడతారు కూడా. గెలుపు, ఓటమి గురించి పట్టించుకునే ముందు వారెలా ఆడారో స్వీయపరిశీలన చేసుకునే స్థాయికి ఎదుగుతారు. ఓటమి ఎదురైనా తట్టుకుని తిరిగి గెలవడానికి ఏం చేయాలన్నది సానుకూలంగా ఆలోచించడాన్ని అలవరుచు కుంటారు. బాగా ఆడినప్పుడు ప్రశంసించడం, ఓడినప్పుడు చేసిన తప్పులను సున్నితంగా వివరించి మళ్లీ ప్రయత్నించమని ఉత్సాహపరచడం మంచిది.
బృందంతో...
బృందంతో కలిసి ఎలా ముందుకెళ్లాలో నేర్పాలి. తాను మాత్రమే బాగా ఆడానని, మిగతావారు సరిగ్గా ఆడకపోవడంతోనే ఓటమి చవిచూడాల్సి వచ్చిందని కొందరు పిల్లలు అంటుంటారు. అలాగే బృందంలో తాను మంచి ఆట ప్రదర్శించడం కారణంగానే గెలిచామని భావిస్తుంటారు. ఈ రెండు రకాల ఆలోచనలూ సరైనవి కావని చెప్పాలి. బృందంలో ప్రతి ఒక్కరూ ఉత్సాహంగా ఆడేలా చూసుకోవాల్సిన బాధ్యత అందరిదీనని పిల్లలకు తెలియాలి. అప్పుడే ఏది ఎదురైనా సమానంగా స్వీకరించడానికి అందరూ సిద్ధ పడతారు. గెలిస్తే అది అందరి గెలుపుగా భావించేలా వారి ఆలోచనలుండాలి. ఇవన్నీ ఇంటి నుంచే చిన్నారులకు అలవడాలి.
ఓడిపోనివ్వండి...
తమ్ముడు చిన్నోడు.. వాడిని గెలవనియ్యి అంటూ పెద్దపిల్లలను ఓడిపోయేలా చేస్తారు కొందరు. కొన్నిసార్లు పిల్లల సంతోషం కోసం పెద్దవాళ్లూ ఓడిపోతుంటారు. ఈ రెండూ సరైనవి కావంటున్నారు నిపుణులు. ఓటమి రుచి తెలియాలి. లేదంటే గెలుపు తప్ప మరొకటి స్వీకరించలేని మనస్తత్వం పిల్లలకు ఏర్పడుతుంది. ఇది వారితోపాటు పెరిగి పెద్దదవుతుంది. భవిష్యత్తులో పెను సమస్యగా మారుతుంది. మానసిక సమస్యలు వచ్చే ప్రమాదం ఉంది. ఇతరుల గెలుపును ఆస్వాదించలేని సంకుచిత స్వభావం ఏర్పడుతుంది. గెలిచిన వారిపై అసూయ, ద్వేషం పెంచుకుంటారు. ఇవన్నీ జరగకుండా ఉండాలంటే చిన్నప్పటి నుంచే ఓటమి రుచిని కూడా చూపిస్తేనే గెలుపు విలువ తెలుస్తుంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- హెయిర్ బన్.. స్టైలిష్గా వేసేద్దాం!
- సన్స్క్రీన్... పౌడర్లో!
- వేసవిలో వీటి విషయంలో జాగ్రత్త!
- వ్యాయామం వల్ల మొటిమలు రాకుండా..!
- గడువు దాటితే వద్దు...
ఆరోగ్యమస్తు
- రాగుల్లో దాగున్న ‘ఆరోగ్యం’!
- వేరుశనక్కాయలు తింటే... ధ్యానం చేసినట్లే!
- తేలిగ్గా తీసుకోవద్దు!
- ప్రసవానంతరం పొట్టను ఇలా తగ్గించుకుందాం!
- వ్యాయామం చేయలేకపోతున్నారా?
అనుబంధం
- పోనీ ఇలా చెప్పి చూద్దామా?
- పెళ్లికి ముందు సరేనన్నాడు.. ఇప్పుడు వద్దంటున్నాడు!
- నో చెప్పండిలా!
- అనుమానిస్తున్నాడని నిరూపించేదెలా?
- పిల్లలకీ కావాలో రొటీన్!
యూత్ కార్నర్
- Miss Universe : ఈ ముద్దుగుమ్మదే.. ఆ ఘనత!
- ఆ చక్రాలని నడిపించేది వాళ్లే!
- దాచగలరు..!
- మన గచ్చకాయలాట... కొరియాలో!
- విరాళాలకు వారధిగా.. ఆమె సేవలు!
'స్వీట్' హోం
- వేసవిలో.. ఇల్లు చల్లగా!
- గోవర్ధనాల గుబాళింపు!
- ఇనుప కడాయిలో ఇవొద్దు!
- Green Vegetables : వీటిని ఎలా వండుతున్నారు?
- వాచీ రింగు పూల హంగు!
వర్క్ & లైఫ్
- ఒక్క రోజులోనే.. ఒంటరిగా.. ఆ ప్రాంతాలన్నీ చుట్టేశా!
- ఆ అల్లరి పిల్లే ఇప్పుడు టీచరైంది.. ఈ స్టూడెంట్-టీచర్ కథ చదివారా?!
- ప్రయాణాలకు... చిన్ని సాయాలు!
- ఆర్థికంగా ఎదగాలంటే...
- ఇది మహిళల హోలీ.. మగాళ్లకు నో ఎంట్రీ!