ఆమెది దివ్యమైనభరోసా!
ఇంట్లో ఆమెకో సమస్య ఎదురైంది. కోరకుండానే సాయం అందింది. మరి సాయం పొందలేని వారి పరిస్థితేంటని ఆలోచించింది. అప్పుడు తట్టిన పరిష్కారం ఆమెను ఆంత్రప్రెన్యూర్గా నిలబెట్టింది. సర్తజ్ లంబా.. బడ్డీ క్యాబ్స్ అంతగా ప్రాచుర్యం పొందడానికి కారణమేంటి?
ఇంట్లో ఆమెకో సమస్య ఎదురైంది. కోరకుండానే సాయం అందింది. మరి సాయం పొందలేని వారి పరిస్థితేంటని ఆలోచించింది. అప్పుడు తట్టిన పరిష్కారం ఆమెను ఆంత్రప్రెన్యూర్గా నిలబెట్టింది. సర్తజ్ లంబా.. బడ్డీ క్యాబ్స్ అంతగా ప్రాచుర్యం పొందడానికి కారణమేంటి?
గత డిసెంబరు చలి కాలం, మంచు విపరీతంగా పడుతోంది. 82 ఏళ్ల ముసలావిడను ఆసుపత్రికి తీసుకెళ్లాలి. ఆమె నడవలేదు. పైగా రాత్రి. వాళ్లు బడ్డీ క్యాబ్స్ను సంప్రదించారు. వాళ్లు ఆమెను సురక్షితంగా ఆసుపత్రిలో చేర్చారు. క్యాబ్ సర్వీస్.. బుక్ చేసుకుంటే ఎవరైనా చేసేదే! దీనిలో కొత్తేముంది అనిపిస్తోందా? కానీ ఉంది. ఇది అంగవైకల్యం ఉన్నవారు, కదల్లేని వారి కోసం ప్రత్యేకంగా ఏర్పాటు చేసిన క్యాబ్ సర్వీస్.
గత ఏడాది కరోనా, లాక్డౌన్ కారణంగా ఆసుపత్రులకు, బయటకు వెళ్లడానికి ఎంతోమంది ఇబ్బందిపడ్డారు. ఇక అంగవైకల్యం ఉన్నవారు, వృద్ధుల సంగతి చెప్పనక్కర్లేదు. వీటికి సమాధానంగానే సర్తజ్ లంబా ‘బడ్డీ క్యాబ్’లను ప్రారంభించింది. చండీగఢ్కు చెందిన ఈమె తండ్రి ఏర్ఫోర్స్ ఆఫీసర్. భర్త ఆర్మీ ఆఫీసర్. సామాజిక సేవా కార్యక్రమాల్లో చురుగ్గా ఉండేది. ఆర్మీ వైవ్స్ వెల్ఫేర్ అసోసియేషన్ (ఏడబ్ల్యూడబ్ల్యూఏ)లో చేరి, వాలంటరింగ్, నిధులు సేకరించడం వంటివి చేసేది. వాటిని పేదలకు, అవసరమైనవారికి అందజేసేది.
ఆడవాళ్లకు ఉపాధి అందించాన్న ఉద్దేశంతో ఏజే ట్రావెల్స్ను ప్రారంభించింది. ఇది పర్యాటకం, రవాణా సేవల సంస్థ. ఓసారి తన మామగారికి పార్కిన్సన్ వ్యాధి సోకింది. చికిత్స కోసం తరచూ ఆసుపత్రికి తీసుకెళ్లాల్సి వచ్చేది. చుట్టూ ఆర్మీ వాళ్లే అవడంతో ఎవరో ఒకరు అడగకుండానే సాయానికి వచ్చేవారు. అయినా ఒక్కోసారి ఇబ్బంది అవుతుండేది. ‘ఇంతమంది సాయానికి వస్తున్నా పరిస్థితి ఇలా ఉంటే.. అసలు ఆ అవకాశమే లేని వారి పరిస్థితేంట’న్న ఆలోచన సర్తజ్ను తొలిచివేసేది. దాని ఫలితమే బడ్డీ క్యాబ్స్. ఆర్మీ వాళ్లలో ‘అన్నదమ్ముల్లా కలిసి పోరాడటం’ అన్న స్ఫూర్తి ఆధారంగా తన వెంచర్కు ఆ పేరు పెట్టింది.
దీనిలో వీల్చైర్ ఆధారంగా వారిని తీసుకెళ్లే వీలుంటుంది. అందుకు తగ్గట్టుగా వాహనాల్లో మార్పులు చేయించింది. విశ్రాంత సైనికోద్యోగుల్ని నియమించుకుంది. డ్రైవింగ్తో పాటు భద్రతా ప్రమాణాలు, సాఫ్ట్స్కిల్స్లో వారికి శిక్షణనిస్తుంది. వైకల్యం ఉన్నవారు, వృద్ధుల పట్ల తీసుకోవాల్సిన జాగ్రత్తలు వంటి అంశాలనూ నేర్పిస్తుంది. వీళ్లు కేవలం రవాణాకే పరిమితం కారు, అవసరమైన సాయాన్నీ అందిస్తారు. ఈ సేవలు ప్రస్తుతం ఉత్తర భారత దేశ రాష్ట్రాలన్నింటా లభిస్తున్నాయి. సేవలు అవసరమైన వారు యాప్లో సంప్రదిస్తే సరిపోతుంది. తరచూ ఆసుపత్రులకు వెళ్లే వారి కోసం మెంబర్షిప్నీ ప్రవేశపెట్టింది. ప్రతి క్యాబ్నూ రోజూ రోడ్డు మీదకువెళ్లేముందు 20 రకాల పరీక్షలు చేస్తారు. అన్నీ సంతృప్తికరంగా ఉంటేనే అనుమతిస్తారు. చిన్న నుంచి పెద్దవాళ్ల అభిరుచికి తగ్గట్టుగా మ్యూజిక్ ఆల్బమ్స్ను క్యాబ్ల్లో సిద్ధం చేసింది.
‘ప్రస్తుతం తరచూ ప్రయాణ అవసరం ఉన్న 1500 - 2000 మంది మా సేవలను పొందుతున్నారు. క్రమశిక్షణతో కూడిన డ్రైవింగ్తోపాటు నిరంతరం అందుబాటులో ఉండటం మమ్మల్ని వారికి చేరువ చేస్తోంది. అంగవైకల్యం ఉన్నవారు, నిస్సహాయులు ఏదైనా విషయంలో ఇబ్బంది పడుతుంటే ‘అయ్యో’ అనడమో, వినడమో చేస్తుంటాం. కానీ వారికి కావాల్సింది అది కాదు, మరొకరిపై ఆధార పడకుండా ఉండే స్వతంత్రత. దాన్ని వాళ్లకి ఇలా అందించే ప్రయత్నం చేస్తున్నా’ అంటోంది సర్తజ్.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- పొడవైన శిరోజాలతో... గిన్నిస్బుక్లో..!
- తారలు మెచ్చిన ‘ఫుల్కారీ’ ఫ్యాషన్.. ఈ స్టైలిష్ ట్రెండ్ గురించి తెలుసా?
- ఈ ఆహారంతో జుట్టు ఆరోగ్యంగా..!
- మెడ చుట్టూ నల్లగా అవుతోందా?
- గోళ్లు విరుగుతున్నాయా?
ఆరోగ్యమస్తు
- మెనోపాజా... వ్యాయామం చేయండి!
- ఎండకో గొడుగు..!
- చనుబాలు ఎక్కువగా వస్తున్నాయి.. తగ్గేదెలా?
- హార్మోన్లు సమతులంగా ఉండాలంటే..!
- ఎలక్ట్రోలైట్స్... తాగుతున్నారా?
అనుబంధం
- బద్ధకపు భర్తతో వేగలేకపోతున్నారా?
- లవ్ మ్యారేజ్.. అయినా సంప్రదాయాల పేరిట టార్చర్ చేస్తున్నాడు..!
- దాంపత్య బంధానికీ.. ఇవ్వాలి కాస్త విశ్రాంతి!
- బాస్ వివాహేతర సంబంధం.. అతడితో చెప్పాలా? వద్దా?
- నైపుణ్యాలకు సానపెట్టండిలా..
యూత్ కార్నర్
- వేసవి కథ!
- 29 బాటిళ్లతో ఒక స్విమ్సూట్.. విదేశాల్లోనూ పాపులర్!
- Prachi Nigam: స్టేట్ ఫస్ట్.. అయినా బాడీ షేమింగ్ తప్పలేదు!
- ప్రాణం కోసం... ‘సూర్య నాయక్’
- Janhvi Kapoor : నచ్చిందే పదే పదే తింటుంటా!
'స్వీట్' హోం
- రాత్రివేళకి... సుగంధాల రాణి!
- ఈ డ్రింక్తో వేసవి వేడిని తరిమేయండి!
- చెత్తబుట్ట నుంచి దుర్వాసన రాకుండా..!
- తేలిగ్గా వండేద్దాం..!
- ప్రకృతికి కోపం తెప్పిస్తున్నారా?
వర్క్ & లైఫ్
- గర్ల్ గ్యాంగ్తో వెకేషనా? అందాల ‘బాలి’ వెళ్లాల్సిందే!
- రంగులు తెలిసేలా!
- విజయానికి అందం అడ్డయ్యింది!
- భరణం ఇవ్వాల్సొస్తుందని ఉద్యోగం మానేశాడు!
- నేను బాగా పనిచేయడం లేదు!