Breaking | Feedback | ePratibha | E-PAPER | Pratibha

అద్భుతం.. అమాంతంగా జరగదు

Published : 08 Dec 2021 00:40 IST

దుస్తులు ఆడంబరంగా ఉండటం కంటే హాయిగా, సుఖంగా ఉండాలనిపించేది. ఇతర్లకూ అదే నచ్చుతుంది అని నమ్మాను. ఆ ఆలోచనా పరంపరే జివామెకు నాంది పలికింది. నా అంచనా తప్పు కాలేదు. ఈ బ్రాండ్‌ లోదుస్తులంటే అమ్మాయిలకి క్రేజ్‌ ఏర్పడింది. ఏదైనా సృజించాలని, దేన్నయినా మార్చాలని, లేదా ఇంకేదైనా సాధించాలనే ఆశ, ఆశయం ఎంత తీవ్రంగా ఉంటే అంత త్వరగా విజయం సాధించగల్గుతాం అనేందుకు నేనే నిదర్శనం. దేని మీదనైనా గట్టిగా ధ్యాసపెట్టండి. ఆ పనిని ఇష్టంగా, బాధ్యతగా చేయండి. మీరు అనుకున్నది మీకు దక్కి తీరుతుంది. అద్భుతం అమాంతంగా జరగదు. గొప్ప మహిళలు అమాంతం తయారవరు. వారి చుట్టూ ఉన్న పరిసరాలు, ఏర్పరచుకున్న లక్ష్యాలు వాళ్లని గొప్పగా రూపొందిస్తాయి. మీ వృత్తి ఉద్యోగాల్లో ఎలాంటి అడ్డంకులు ఎదురైనా నిరుత్సాహంతో వెనకడుగు వేయొద్దు. ముందుకే వెళ్లండి, సాధించి తీరాలనే పట్టుదలతో సాగండి.

- రిచా కార్‌, ఫౌండర్‌, జివామె

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.