Updated : 07/01/2022 04:21 IST

ప్రిన్సెస్‌ పి... ఎవరీ అమ్మాయి?

ఇంటిని పట్టించుకుంటాం కానీ... మన ఆరోగ్యం గురించి వదిలేస్తాం! స్వేచ్ఛగా నవ్వడానికే వెనకాడతాం.... నచ్చిన డ్రస్‌ వేసుకోవడానికి భయం. మగవాళ్లు గుచ్చిగుచ్చి చూసే చూపుల నుంచి తప్పించుకోవడానికి ప్రతి ఒక్కరం ఏదో దారి వెతుక్కున్న వాళ్లమే! ఇవేకాదు మన సమస్యలు ఇంకా బోలెడు. వాటిపై చర్చ జరగడానికీ, సమాజంలో అవగాహన పెరగడానికీ ‘ప్రిన్సెస్‌ పి’ పేరుతో ఒక అమ్మాయి ఏం చేస్తోందో చూడండి..

ది స్త్రీల ఆరోగ్యంపై కార్యక్రమం. మొదట్లో ఒక్కరు కూడా ఇబ్బందులను చెప్పలేదు. కారణం... ఆ సమస్యల్ని ‘గుట్టు’గా భావించటమే. ఆ నిశబ్దాన్ని ఛేదించడానికి బఠాణి గింజ మాస్క్‌ని ధరించిన ‘ప్రిన్సెస్‌ పి’ వచ్చింది. డాక్టర్‌ దగ్గరకు వెళ్లినప్పుడు తనకు ఎదురైన అనుభవాన్ని చెప్పింది. నెమ్మదిగా అక్కడున్న వాళ్లు బిడియాన్ని వదిలారు. మాస్క్‌ ధరించి తమ బాధల్ని చెప్పడం మొదలుపెట్టారు. ‘మా కులంలో ఆడపిల్లలు నెలసరులు ఆగిపోయాయని డాక్టర్‌ దగ్గరకు వెళ్తే నవ్వుతున్నారు. అందుకని ఆసుపత్రులకు వెళ్లలేకపోతున్నాం’ అంటూ ఒకమ్మాయి బాధపడింది. సఖీ, గౌరవ్‌ గ్రామీణ్‌ మహిళా వికాస్‌ మంచ్‌, అశోకా యంగ్‌ ఛేంజ్‌మేకర్‌ వంటి సంస్థల సహకారంతో దేశవ్యాప్తంగా గ్రామీణ ప్రాంతాల్లో  ఇలాంటి కార్యక్రమాలతో స్త్రీల సమస్యలని ప్రపంచానికి చాటుతోంది ప్రిన్సెస్‌ పి.

ఈ వేషం ఎందుకంటే... ప్రిన్సెస్‌ పి ఆహార్యం చిత్రంగా ఉంటుంది. తలకి బఠాణి గింజ ఆకృతిలో పెద్ద మాస్క్‌ ఉంటుంది. గుడ్‌గావ్‌కి చెందిన ఈ కళాకారిణి... దిల్లీ కాలేజీ ఆఫ్‌ ఆర్ట్‌లో డిగ్రీ చదివింది. 2009లో దిల్లీ ప్రగతి మైదాన్‌లో ఇండియా ఆర్ట్‌ ఫెయిర్‌ జరిగినప్పుడు... మహిళా సమస్యలపై ప్రజల్లో చర్చ రేకెత్తించాలన్న ఆలోచనతో ఈ వినూత్న అవతారం ఎత్తింది. ఆ మైదానానికి వచ్చిన పిల్లలు, పెద్దలూ ‘ప్రిన్సెస్‌ పి’ ఎవరా అని విపరీతమైన ఆసక్తిని కనబరిచారు. అప్పుడే తనకో విషయం అర్థమైంది. ఏదైనా సమస్యపై అందరి దృష్టీ పడేట్టు చేయాలంటే ఉత్సుకతను రేకెత్తించాలని.

‘ఈ మాస్క్‌లో నన్ను ఒకరు చూస్తారన్న భయం లేదు. చేయాలనుకున్నది నిర్భయంగా చేయగలను. ధైర్యంగా ప్రశ్నించగలను’ అనే ప్రిన్సెస్‌ మహిళలపై వివక్షని ప్రశ్నించేందుకు, చైతన్యాన్ని రేకెత్తించేందుకూ 2019 నుంచీ పూర్తి స్థాయిలో ఈ అవతారం ఎత్తి దేశమంతా తిరుగుతోంది. ‘గోవాలో అమ్మాయిలు ఫుట్‌బాట్‌ ఆడరు. ఈ వివక్షని ప్రశ్నించేందుకు 8 నెలలు అక్కడే ఉండి స్థానికులకు అవగాహన శిబిరాలు నిర్వహించా. ప్రభుత్వబడుల్లో శిబిరాలు నిర్వహించి అమ్మాయిల్లోనూ బిడియాన్ని పోగొట్టాను. బిహార్‌ మహిళలు ఆప్లిక్‌ వర్క్‌ బాగా చేస్తారు. కళతో వారి బాధని ఎలా వ్యక్తీకరించవచ్చో వివరించా. 72 మంది మహిళలు.. ఆప్లిక్‌ పనితనంతో, రక్షణకు ప్రతీకగా మహిళ ఆకృతిలో పెద్ద సేఫ్టీపిన్‌ బొమ్మని చేశారు. పాట్నాలోని ప్రముఖ ఆర్ట్‌ సెంటర్‌లో ఈ కళాఖండం ఎంతో మందిని ఆలోచింపచేస్తోంది. కళ అంతిమ లక్ష్యం సామాజిక ప్రయోజనమే కదా!’ అనే ‘ప్రిన్సెస్‌ పి’ వివిధ వర్గాల బాధితులతో మాట్లాడి సమస్యల్నీ సామాజిక మాధ్యమాల వేదికగా వెలుగులోకి తెస్తోంది. ఇన్‌స్టాలో తనను వేలమంది అనుసరిస్తున్నారు. తను విశాఖ జిల్లాకూ వచ్చింది. ఏటికొప్పాక కళాకారులతో కాళి, దాది, ఎవ్రీడే ఈజ్‌ప్రొటెస్ట్‌ పేరుతో బొమ్మలు చేయించి ఎగ్జిబిషన్స్‌లో ప్రదర్శించింది. తన ముఖాన్ని, పేరుని బయటపెట్టకుండా గోప్యతను పాటిస్తూ మహిళలకు ప్రశ్నించే శక్తిని ఇవ్వాలన్న ‘ప్రిన్సెస్‌ పి’ ప్రయత్నం అభినందనీయం కదూ.


గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని

ఆ ప్రమాదం.. వ్యాపారవేత్తను చేసింది

సినిమా, కాలక్షేపం, స్నేహితులతో ముచ్చట్లు.. సందర్భం ఏదైనా మనకు చిరుతిళ్లు ఉండాల్సిందే! వాటిని నిల్వ ఉంచడానికి వాడే రసాయనాలు, చక్కెరలు, రిఫైన్డ్‌ ఆయిల్స్‌.. అన్నీ అనారోగ్యకరమైనవే! చదువుతున్నప్పుడు కంటే స్వీయ అనుభవంతో ఈ విషయం మరింత అవగాహనకు వచ్చింది అపూర్వ గురురాజ్‌కు. దీంతో ఆరోగ్యకరమైన చిరుతిళ్లను ఉత్పత్తి చేస్తూ.. విదేశాలకూ ఎగుమతి చేసే స్థాయికి ఎదిగారు. ఆమెను వసుంధర పలకరించగా తన గురించి చెప్పుకొచ్చారిలా.. మాది బెంగళూరు. ఆరేళ్లన్నప్పుడు అమ్మను కోల్పోయా. సివిల్‌ ఇంజినీర్‌ అయిన నాన్న వ్యాపారవేత్త కూడా. నాకేమో ఫోరెన్సిక్‌ శాస్త్రవేత్త కావాలని.. నాన్నేమో ఇంజినీరింగ్‌ చేయాలని.. రెండూ కాక కెమిస్ట్రీ, జువాలజీ, న్యూట్రిషన్‌లున్న ట్రిపుల్‌ మేజర్‌ కోర్సును ఎంచుకున్నా. అది చదివేప్పుడే ఎంటీఆర్‌, పెప్సీ సంస్థల్లో ఇంటర్న్‌గా ఉత్పత్తుల్లో పోషకాల ప్రమాణాల గురించి తెలుసుకున్నా. భారతీయ ఆహారశైలిలో పోషకాలకే ప్రాధాన్యం. కానీ మనకు లభ్యమయ్యే ప్యాకేజ్డ్‌ ఆహారంలో 90శాతం పాశ్చాత్యుల జీవనశైలికి అనువైనవే. పైగా వీటి నిల్వకు వాడే రసాయనాలు ఆరోగ్యానికి చేటని ఫీల్డ్‌వర్క్‌లో గుర్తించా. ఆసక్తికర విషయమేమిటంటే మన ధాన్యాలను ఎగుమతి చేసుకొని మనకే ఇలా అమ్ముతుండటం! అపోలో ఆస్పత్రిలో ఆంకాలజీ న్యూట్రిషన్‌ విభాగంలో కొన్నాళ్లు పనిచేసినపుడు వీటిపై మరింత స్పష్టత వచ్చింది.

తరువాయి