అమ్మేయాలనుకుంటే.. అంతర్జాతీయ స్థాయికి!
పోషించలేక ఆ అమ్మాయిని అయినకాడికి అమ్మాలనుకున్నారు ఇంటివాళ్లు. కానీ ఆ పిల్లే పేరుతెస్తుందని ఆ రోజు అనుకోలేదు. పేదింట పుట్టి.. అంతర్జాతీయ క్రీడాకారిణిగా ఎదిగిన మహబూబ్నగర్ అమ్మాయి శాంతకుమారి స్ఫూర్తికథే ఇది... పనిదొరికిన రోజు పండగ. అది లేని రోజు పస్తులు. అలాంటి పేద కుటుంబంలో ముగ్గురు ఆడపిల్లల తర్వాత పుట్టింది శాంత. అబ్బాయి పుడతాడనుకున్నవాళ్లు ఈ ఆడపిల్లని భారంలా భావించారు. అందుకే...
పోషించలేక ఆ అమ్మాయిని అయినకాడికి అమ్మాలనుకున్నారు ఇంటివాళ్లు. కానీ ఆ పిల్లే పేరుతెస్తుందని ఆ రోజు అనుకోలేదు. పేదింట పుట్టి.. అంతర్జాతీయ క్రీడాకారిణిగా ఎదిగిన మహబూబ్నగర్ అమ్మాయి శాంతకుమారి స్ఫూర్తికథే ఇది...
పనిదొరికిన రోజు పండగ. అది లేని రోజు పస్తులు. అలాంటి పేద కుటుంబంలో ముగ్గురు ఆడపిల్లల తర్వాత పుట్టింది శాంత. అబ్బాయి పుడతాడనుకున్నవాళ్లు ఈ ఆడపిల్లని భారంలా భావించారు. అందుకే అమ్మేయాలనుకున్నారు. అదే జరిగి ఉంటే శాంత కథ మన వరకూ వచ్చేది కాదు. వనపర్తి జిల్లాలోని మారుమూల గ్రామం చిట్యాలకు చెందిన పేద గిరిజన దంపతులు అమృనాయక్, మహేశ్వరిలు. వీళ్ల ఆరుగురు పిల్లల్లో శాంతకుమారి నాలుగో సంతానం. ఉన్న ఊళ్లో ఉపాధి లేకపోవటంతో అమృనాయక్ దంపతులు హైదరాబాద్కు వచ్చి కూలీపనులు చేసుకునేవారు. పోషించే పరిస్థితి లేక శాంతని అమ్మేయాలనుకున్నా.. చివరి నిమిషంలో మనసు మార్చుకుని కష్టమో, నష్టమో పెంచిపెద్దచేద్దాం అనుకున్నారు. ఆ నిర్ణయమే ఆమె తలరాతని మార్చింది. శాంత కూడా చదువుల్లో చురుగ్గా ఉంటూ బాలానగర్లోని తెలంగాణ బాలికల గురుకుల విద్యాలయంలో ఐదో తరగతిలో సీటు సాధించింది. చదువుతో పాటు క్రీడల్లోనూ రాణించేది. దాంతో గురుకులంలో క్రీడా అధ్యాపకురాలు అరుణ వాలీబాల్ క్రీడలో ప్రత్యేక శిక్షణ ఇచ్చి ప్రోత్సహించారు. దాంతో శాంత ఎక్కడ వాలీబాల్ పోటీలు జరిగితే అక్కడ ఉండేది. 2018లో కడపలో జరిగిన వాలీబాల్ పోటీలకు అండర్-14 విభాగంలో ఎంపికై తొలిసారిగా రాష్ట్ర స్థాయిలో ఆడి రజత పతకం సాధించింది. ఆ తర్వాత జాతీయ స్థాయిలోనూ రాణించి స్వర్ణాలు సాధించింది. ఈ ఏడాది జూన్లో జరిగే ఆసియా మహిళల అండర్-17 వాలీబాల్ ఛాంపియన్షిప్(తాష్కెంట్) కోసం భారత జట్టులో తెలంగాణ నుంచి నలుగురు క్రీడాకారిణులు చోటుసంపాదించగా.. వీరిలో శాంతకుమారి ఒకరు. ప్రస్తుతం భువనేశ్వర్లో శిక్షణ తీసుకుంటూ దేశానికి బంగారు పతకాన్ని తీసుకొచ్చేందుకు సన్నద్ధం అవుతోంది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- అడ్డిగ... అందాల నగ!
- వేసవిలో ట్యాన్ సమస్య తగ్గాలంటే..!
- ఇలా చేస్తే.. అందం తగ్గదు..!
- నాకు ఏ క్రీమ్?
- స్ట్రెచ్ మార్క్స్.. తగ్గట్లేదా..?
ఆరోగ్యమస్తు
- వసంతంలో ఆరోగ్య జాగ్రత్తలు..!
- అందుకే వీటిని ఇలా తీసుకోవాలట..!
- ప్రెగ్నెన్సీ.. ఈ జాగ్రత్తలు పాటిస్తున్నారా?
- ఉత్తేజంగా మారాలంటే..!
- రక్తహీనత తగ్గించే బీట్రూట్!
అనుబంధం
- ఒక మెట్టు దిగితే చాలు...
- ఆ అమ్మాయితో ఆ చాటింగ్.. ఆయన్ని నమ్మలేకపోతున్నా..!
- అలా చదివితే మేలే...
- చిన్నవే... చక్కదిద్దుతాయి!
- యుక్త వయసు నుంచీ...!
యూత్ కార్నర్
- అప్పుడు ఫ్యాన్... ఇప్పుడందరి ఫేవరెట్!
- భూగోళాన్ని చుట్టేస్తానంటోంది!
- దాంతో మాట్లాడుతుంటే మతి పోయిందనేవాళ్లు!
- ఎరీ... ఆ ఊరి పట్టు..!
- అందరికీ నచ్చేవి.. నాకు నచ్చవు.. ఎందుకిలా?
'స్వీట్' హోం
- రిస్క్ లేకుండా దాచేద్దాం!
- వేసవిలో ఇల్లు చల్లగా...
- పుల్లటి పెరుగుతో.. పెరిగే రుచి!
- కళ్లు తిరిగే కార్పెట్లు...
- ఆ చోటు గుర్తిస్తే చాలు...
వర్క్ & లైఫ్
- పనికి ‘బ్రేక్’ వేయండి!
- మీకు ‘ట్రావెలింగ్’ అంటే ఇష్టమా..?
- ఇవి టైంపాస్ కోసమే కాదు.. సంపాదనకూ..!
- మారాలని గట్టిగా అనుకోండి!
- Samantha: చిన్న చిట్కాలతోనే 45 కిలోల బరువు తగ్గా..!