నిశ్శబ్దంగా ఉండొద్దంటూ....
నెలసరిలో పరిశుభ్రత గురించి పని మనిషి చెప్పిన మాటలకు ఆ అమ్మాయి నిర్ఘాంతపోయింది. అప్పుడు వచ్చిన ఆలోచనలు తనతోపాటే పెరిగి పెద్దయ్యాయి. అవే ఏడేళ్ల తర్వాత ఆర్గానిక్ శానిటరీ ప్యాడ్స్ తయారీని ప్రారంభించేలా చేశాయి. దేశవ్యాప్తంగా నెలసరి పరిశుభ్రతపై అవగాహన కలిగించడానికి కృషి చేస్తున్న 22 ఏళ్ల ఆస్తా నేగి గురించి తెలుసుకుందాం.
నెలసరిలో పరిశుభ్రత గురించి పని మనిషి చెప్పిన మాటలకు ఆ అమ్మాయి నిర్ఘాంతపోయింది. అప్పుడు వచ్చిన ఆలోచనలు తనతోపాటే పెరిగి పెద్దయ్యాయి. అవే ఏడేళ్ల తర్వాత ఆర్గానిక్ శానిటరీ ప్యాడ్స్ తయారీని ప్రారంభించేలా చేశాయి. దేశవ్యాప్తంగా నెలసరి పరిశుభ్రతపై అవగాహన కలిగించడానికి కృషి చేస్తున్న 22 ఏళ్ల ఆస్తా నేగి గురించి తెలుసుకుందాం.
నెలనెలా వచ్చే రక్తస్రావం గురించి మహిళలు మాట్లాడటానికి ఎందుకు ఇబ్బంది పడతారనేది ఆస్తా సందేహం. పైగా ఆ సమయంలో పాటించాల్సిన పరిశుభ్రతపైనా చాలా మందికి పెద్దగా అవగాహన లేదు. ప్యాడ్స్ వాడకం పర్యావరణ హితంగానూ ఉండాలన్నదైతే అసలే తెలియదు. మొత్తంగా ఈ విషయాల గురించి బయటకు చెప్పడానికి మొహమాటపడే వారే ఎక్కువగా ఉన్నారని తను గుర్తించింది. దీనికి కారణం ఒక సారి పనిమనిషితో జరిగిన సంభాషణ. నెలసరి సమయంలో తను పాత వస్త్రాల్ని వాడతానని చెప్పిందామె. అది సరి కాదు కదా అంటే అవన్నీ నాకు తెలియదంది. అదే విషయాన్ని 15 ఏళ్ల వయసులో అమ్మను అడిగింది. ఇది ఇతరులతో చర్చించే విషయం కాదని అందరూ భావించడమే కారణమని ఆమె చెప్పడం మరింత ఆలోచింపచేసింది. అవగాహన కొరవడటంతో చాలామంది మహిళలు అనారోగ్యాలకు గురవుతున్నారని తెలుసుకుంది. ఈ ప్రభావాన్ని తగ్గించాలంటే మొదట అందరిలో చైతన్యం రావాలి. అది రావాలంటే దానికి తగినట్లుగా ప్యాడ్ను తయారు చేయాలనుకుంది. పలు ప్రయోగాలు చేసి చివరికి పర్యావరణ హిత ప్యాడ్స్ను రూపొందించగలిగింది. డిగ్రీ తర్వాత ‘షికామ్ ఇండియా’ సంస్థను ప్రారంభించింది. తన దగ్గర ఉన్న రూ.4,500 పెట్టుబడితో చేసిన ఆర్గానిక్ శానిటరీ పాడ్స్ను తెలిసిన, ఇరుగు పొరుగు వారికి ఉచితంగా ఇచ్చేది. వాటిని వాడిన వారు దద్దుర్లేమీ రావడం లేదని, సౌకర్యంగానూ ఉన్నాయన్నారు. ఇంకా వారి సలహాలు, సూచనలూ సేకరించేది. పర్యావరణ హితమైనవి వినియోగిస్తే వ్యక్తిగత పరిశుభ్రతతోపాటు భూమిలో త్వరగా కలిసిపోతాయనే విషయాన్ని ప్రచారం చేయడానికి నడుం కట్టింది. తన ఆలోచన, ఉత్సాహం చూసి 10 స్వచ్ఛంద సంస్థలు సాయం చేసేందుకు ముందుకొచ్చాయి. వాటి సహకారంతో కళాశాలలు, ప్రైవేటు సంస్థలను సంప్రదించి అక్కడి యువతులు, మహిళలను కలుసుకునేది. వారికి ఆర్గానిక్ పాడ్స్ అందించి వాడి అభిప్రాయాన్ని చెప్పమనేది. అలా ఆరునెలల్లో దేశంలో వివిధ ప్రాంతాల్లో అయిదువేల మందికి నెలసరి పరిశుభ్రత అంశంపై అవగాహన కలిగేలా చేసి, వారికి షికామ్ ఇండియా న్యాప్కిన్లను వినియోగించడంపై ఆసక్తిని తీసుకొచ్చింది.
అవగాహనతోపాటు..
ఉచితంగా అందించడంతో వాటి గురించి తెలుసుకున్న వారంతా తాను తయారు చేస్తున్న ప్యాడ్స్ను కొనడం మొదలుపెట్టారని వివరించింది ఆస్తా. ‘మొదటి పెట్టుబడి ఉచిత ప్యాడ్స్ తయారీకే ఖర్చు అయిపోయింది. తర్వాత మరికొంత వెచ్చించి భారీగా తయారీ మొదలుపెట్టా. క్రమేపీ విక్రయాలు పెరిగాయి. నెలకు రూ.10 వేల నుంచి ప్రస్తుతం రూ.లక్ష ఆదాయం వచ్చే స్థాయికి పెరిగింది. దీని తయారీలో మహిళలకే ఉపాధిని కల్పిస్తున్నా. లాభాలు సంపాదించడం నా ఉద్దేశం కాదు... అందరిలోనూ దీనిపై మాట్లాడగలిగే ధైర్యాన్ని తేవాలి, నెలసరిలో పరిశుభ్రతపై గ్రామాల్లోనూ అవగాహన కల్పించాలి... ఇవీ నా లక్ష్యాలు. వీటి సాధన కోసమే ప్రచార కార్యక్రమాలు చేపడుతున్నా’ అని చెప్పుకొచ్చిందీ యువతేజం.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- హెయిర్ బన్.. స్టైలిష్గా వేసేద్దాం!
- వేసవిలో వీటి విషయంలో జాగ్రత్త!
- వ్యాయామం వల్ల మొటిమలు రాకుండా..!
- గడువు దాటితే వద్దు...
- చెమట వాసనా..!
ఆరోగ్యమస్తు
- రాగుల్లో దాగున్న ‘ఆరోగ్యం’!
- ప్రసవానంతరం పొట్టను ఇలా తగ్గించుకుందాం!
- వ్యాయామం చేయలేకపోతున్నారా?
- ఆ సమయంలో సౌకర్యంగా ఉండాలంటే..!
- ప్రొటీన్ ఎక్కువ వద్దు..
అనుబంధం
- పెళ్లికి ముందు సరేనన్నాడు.. ఇప్పుడు వద్దంటున్నాడు!
- నో చెప్పండిలా!
- అనుమానిస్తున్నాడని నిరూపించేదెలా?
- పిల్లలకీ కావాలో రొటీన్!
- ఈ పాలు పిల్లలకు ఇస్తున్నారా... ఒక్క నిమిషం!
యూత్ కార్నర్
- Miss Universe : ఈ ముద్దుగుమ్మదే.. ఆ ఘనత!
- ఆ చక్రాలని నడిపించేది వాళ్లే!
- దాచగలరు..!
- మన గచ్చకాయలాట... కొరియాలో!
- విరాళాలకు వారధిగా.. ఆమె సేవలు!
'స్వీట్' హోం
- వేసవిలో.. ఇల్లు చల్లగా!
- ఇనుప కడాయిలో ఇవొద్దు!
- Green Vegetables : వీటిని ఎలా వండుతున్నారు?
- వాచీ రింగు పూల హంగు!
- తెలుపు దుస్తులే ఎందుకు?
వర్క్ & లైఫ్
- ఒక్క రోజులోనే.. ఒంటరిగా.. ఆ ప్రాంతాలన్నీ చుట్టేశా!
- ఆ అల్లరి పిల్లే ఇప్పుడు టీచరైంది.. ఈ స్టూడెంట్-టీచర్ కథ చదివారా?!
- ప్రయాణాలకు... చిన్ని సాయాలు!
- ఆర్థికంగా ఎదగాలంటే...
- ఇది మహిళల హోలీ.. మగాళ్లకు నో ఎంట్రీ!