ఆ సమయం.. మించిపోకూడదనీ!
నాన్న పేరుమోసిన వైద్యుడు. ఆయనే గుండె జబ్బు లక్షణాలను గమనించలేకపోయాడు. ఇక సాధారణ వ్యక్తుల పరిస్థితేంటి? ఈ ఆలోచనే సృష్టి అదానీని ఆంత్రప్రెన్యూర్ని చేసింది. ఆమె సంస్థ రూపొందించిన పరికరం గుండె సంబంధిత సమస్యలను తేలిగ్గా తెలుసుకునేలా చేస్తోంది.
నాన్న పేరుమోసిన వైద్యుడు. ఆయనే గుండె జబ్బు లక్షణాలను గమనించలేకపోయాడు. ఇక సాధారణ వ్యక్తుల పరిస్థితేంటి? ఈ ఆలోచనే సృష్టి అదానీని ఆంత్రప్రెన్యూర్ని చేసింది. ఆమె సంస్థ రూపొందించిన పరికరం గుండె సంబంధిత సమస్యలను తేలిగ్గా తెలుసుకునేలా చేస్తోంది.
సృష్టి అమ్మానాన్న ఇద్దరూ వైద్యులే. సొంత ఆసుపత్రి నిర్మించి, సేవలందిస్తున్నారు. రాత్రుళ్లు రోగులకు అందుబాటులో ఉండొచ్చని హాస్పిటల్ పై అంతస్థులోనే నివసించేవారు. ‘చుట్టూ వైద్య వాతావరణమే! దీంతో చావులు, అద్భుతాలు లాంటివి ఎన్నో చూశాను. నాకూ ఈ రంగంపై ఆసక్తి కలిగింది. అయితే వైద్య వృత్తి కాదు.. దానికి అవసరమయ్యే టెక్నాలజీపై పనిచేయాలనుకున్నా. ఇదైతే ప్రపంచవ్యాప్తంగా ఎంతోమంది జీవితాల్ని ప్రభావితం చేయొచ్చు’ అని చెబుతుంది సృష్టి. ఈమెది అహ్మదాబాద్. కోరుకున్నట్టుగానే యూనివర్సిటీ ఆఫ్ కాలిఫోర్నియాలో స్కాలర్షిప్ సహా బయో ఇంజినీరింగ్, ఇండస్ట్రియల్ ఇంజినీరింగ్ అండ్ సౌత్ ఆసియన్ స్టడీస్లో డిగ్రీ చేసే అవకాశమొచ్చింది. పూర్తిచేసుకొని 2018లో దేశానికి తిరిగొచ్చింది.
‘నాన్న అత్యవసర విభాగంలో పనిచేస్తారు. చిన్నపాటి ఆలస్యం రోగి ప్రాణాలకు ఎంత ముప్పో ఆయనకు బాగా తెలుసు. అలాంటి ఆయన తన గుండెపోటు లక్షణాలను మాత్రం పట్టించుకోలేదు. గ్యాస్ అంటూ తోసిపుచ్చారు. చివరికి గుండెపోటుకు గురయ్యారు. ఆరోగ్య సంరక్షణ విధానంలో ఉన్న లోపాలు నాకప్పుడే అర్థమయ్యాయి’ అంటుదీమె. అవగాహన, స్థోమత, అందుబాటులో ఉండటం.. ఇవి కరవవ్వడం వల్లే చాలామంది గుండె జబ్బులకు బలవుతుంటారు. అన్నీ ఉన్నా తన నాన్న లాంటి నిపుణులే పొరబడుతుంటే సాధారణ ప్రజల పరిస్థితేంటని అనిపించిందామెకు. దీనికి పరిష్కారం చూపించాలనుకుంది. 2018లో వెల్నెస్ట్ టెక్ ప్రారంభించింది. ఆర్టిఫిషియల్ ఇంటెలిజెన్స్తో పనిచేసే యాప్ ఆధారిత పరికరాలపై పరిశోధన మొదలుపెట్టింది. ఐఐటీ కాన్పూర్, ఐఐఎం- అహ్మదాబాద్, కార్నెగి మెలన్, యూసీ బర్క్లీ, ఎంఐటీ, ఎన్ఐడీ సంస్థల్లో చదివిన డిజైనర్లు, డెవలపర్లు, మాన్యుఫాక్చరర్లను ఎంచుకుంది. వీళ్లందరితో కలిసి 12ఎల్ అనే ఆప్ ఆధారిత ఈసీజీ సొల్యూషన్ సిస్టమ్ను రూపొందించింది. ఇది బ్లూటూత్తో పనిచేసే ఎలక్ట్రో కార్డియోగ్రాఫ్. చిన్న బెల్డ్, బకుల్స్నూ ఇస్తారు. వాటిని శారీరానికి అతికించుకుంటే యాప్లో ఈసీజీ రికార్డు అవుతుంది. దాన్ని వాట్సాప్, ఈమెయిల్ ద్వారా పంపుకునే వీలూ ఉంటుంది. యాప్లో తక్షణం చేయాల్సిన సూచనలూ అందుతాయి. దీంతో ఆసుపత్రికి వెళ్లి తిరిగి పరీక్షలు చేసే సమయం తగ్గుతుందన్నమాట. వెంటనే చికిత్స ప్రారంభించొచ్చు కూడా.
‘16 నెలల్లో దాదాపు 200 మందిని గుండెపోటు ముప్పు నుంచి తప్పించగలిగాం. ఐఐటీ, ఐఐఎం పూర్వవిద్యార్థులు కోఫౌండర్లుగా చేరారు. గ్రామాలకూ ఈ పరికరాన్ని చేర్చే పనిలో ఉన్నాం. ఏ వ్యక్తీ చికిత్స ఆలస్యమై చనిపోవద్దన్నది నా ఉద్దేశం. ఆ దిశగా నా సంస్థను నడిపిస్తున్నా. టెక్ రంగంలో అమ్మాయిలు రాణించలేరన్నది చాలామంది భావన. దాన్నీ మార్చి చూపిస్తా’ అని చెబుతోందీ 26 ఏళ్ల అమ్మాయి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- విజయానికి అందం అడ్డయ్యింది!
- ఈ ఆహారంతో జుట్టు ఆరోగ్యంగా..!
- మెడ చుట్టూ నల్లగా అవుతోందా?
- గోళ్లు విరుగుతున్నాయా?
- పసిడి మెరుపులు... పంచలోహ పట్టీలు!
ఆరోగ్యమస్తు
- ఎలక్ట్రోలైట్స్... తాగుతున్నారా?
- భవిష్యత్తుపై బెంగతో నిద్రపోవట్లేదట...
- హార్మోన్లు సమతులంగా ఉండాలంటే..!
- Mangoes: అందుకే తినేముందు నీళ్లలో నానబెట్టాలి!
- ఆరుబయట ఆడుతున్నారా..!
అనుబంధం
- రంగులు తెలిసేలా!
- లవ్ మ్యారేజ్.. అయినా సంప్రదాయాల పేరిట టార్చర్ చేస్తున్నాడు..!
- దాంపత్య బంధానికీ.. ఇవ్వాలి కాస్త విశ్రాంతి!
- బాస్ వివాహేతర సంబంధం.. అతడితో చెప్పాలా? వద్దా?
- నైపుణ్యాలకు సానపెట్టండిలా..
యూత్ కార్నర్
- Prachi Nigam: స్టేట్ ఫస్ట్.. అయినా బాడీ షేమింగ్ తప్పలేదు!
- ప్రాణం కోసం... ‘సూర్య నాయక్’
- Janhvi Kapoor : నచ్చిందే పదే పదే తింటుంటా!
- ఆ సమయంలో... అయిదేళ్ల పిల్లనైపోతా!
- కేరళ కుట్టికి... ‘టీన్’ కిరీటం!
'స్వీట్' హోం
- తేలిగ్గా వండేద్దాం..!
- చెత్తబుట్ట నుంచి దుర్వాసన రాకుండా..!
- ప్రకృతికి కోపం తెప్పిస్తున్నారా?
- ఎయిర్ ప్యూరిఫయర్కు బదులు ఇవి!
- వంటింట్లో కీటకాల బెడదా..
వర్క్ & లైఫ్
- భరణం ఇవ్వాల్సొస్తుందని ఉద్యోగం మానేశాడు!
- నేను బాగా పనిచేయడం లేదు!
- గెలవాలంటే నేర్చుకోవాలి..
- మళ్లీ పెళ్లి వద్దంటోంది..!
- ప్రతిసారీ మర్చిపోతున్నారా?