క్రీడామణుల కోసమే.. ఆమె బ్రాండ్!
క్రీడలపై మక్కువ చూపే అమ్మాయిలెందరో! కానీ ఆటలంటే ఎంతో ఖర్చు. కష్టాలకోర్చి సత్తా చూపితేగానీ స్పాన్సర్లు దొరకరు. అక్కడిదాకా అయినా చేరాలి కదా? అందుకే చాలా మంది ప్రతిభ ఉండి కూడా వదిలేస్తారు.
క్రీడలపై మక్కువ చూపే అమ్మాయిలెందరో! కానీ ఆటలంటే ఎంతో ఖర్చు. కష్టాలకోర్చి సత్తా చూపితేగానీ స్పాన్సర్లు దొరకరు. అక్కడిదాకా అయినా చేరాలి కదా? అందుకే చాలా మంది ప్రతిభ ఉండి కూడా వదిలేస్తారు. అలాంటి వారికి సాయం చేయాలనుకుంది మేఘ. తన సంస్థ ద్వారా క్రీడామణులను తీర్చిదిద్దడమే కాదు.. వారికోసం సాధనకు అనుకూల దుస్తులనీ రూపొందిస్తోంది.
‘దేశంలో చాలామంది క్రీడాకారిణులు గ్రామాలు, చిన్న పట్టణాల నుంచి వచ్చిన వాళ్లే. వాళ్ల ఆర్థిక పరిస్థితీ అంతంతమాత్రమే! ఇల్లు గడవడమే కష్టమైన వారెందరో. ఇక పోషకాహారం, సరైన శిక్షణ అంటే తలకు మించిన భారం. పీవీ సింధు, సానియా మిర్జా, సైనా నెహ్వాల్ వంటి వారివల్ల దేశంలో మహిళా క్రీడాకారులకీ ఆదరణ పెరుగుతోంది. ఏ సాయమూ అందనివారికి దన్నుగా నిలిస్తే ఇలాంటి ఎంతోమందిని తయారు చేయొచ్చు’ అన్న ఆలోచన తట్టింది మేఘా దేశాయ్కి. ఈమెది ముంబయి. ఎంబీఏ పూర్తిచేసింది. పలు కార్పొరేట్, మీడియా సంస్థలకు మార్కెటింగ్ హెడ్గా పనిచేసింది. మార్కెటింగ్, మేనేజ్మెంట్, బ్రాండ్ ఇమేజింగ్ల్లో 20 ఏళ్ల అనుభవముంది. తనకు క్రీడలంటే చాలా ఇష్టం. స్వతహాగా డ్యాన్సర్. ఇంటర్నేషనల్ సర్టిఫైడ్ యోగా ఇన్స్ట్రక్టర్ కూడా. క్రీడాకారిణులను ప్రోత్సహించాలనే ఉద్దేశంతో 2021లో ఇన్జిన్ (ఈఎన్జీఎన్) స్థాపించింది. ఇది ఆటలపై ఆసక్తి ఉన్న అమ్మాయిలకు అండగా నిలుస్తుంది.
‘ప్రతిభ ఉన్నవారిని ఎంపిక చేసి సాధన వస్త్రాల నుంచీ శిక్షకుల ఏర్పాటు, పోషకాహారం, మానసిక ఆరోగ్య నిపుణులను అందుబాటులో ఉంచడం వరకూ అన్నీ చూసుకుంటాం. వీరికి నెలవారీ జీతాల్ని ఇచ్చి మరీ వారి ప్రతిభను ప్రదర్శించే అవకాశాల్ని కల్పిస్తున్నాం’ అంటుంది మేఘ. తన చేయూతతో రాణిస్తున్న వారిలో ఒలింపిక్ స్విమ్మర్ మానాపటేల్, లాంగ్ జంపర్ శివాని సోమ్, తైక్వాండో అథ్లెట్ అనిషా అశ్వాల్ సహా మరెందరో ఉన్నారు. మరికొందరిని ఎంచుకునే ప్రయత్నంలో ఉంది. ‘కొవిడ్ తర్వాత అందరిలో ఆరోగ్య స్పృహ పెరిగింది. ఎక్సర్సైజ్కీ, క్రీడలకు అనుకూలమైన వస్త్రాలను రూపొందించి ఇన్జిన్ మొదటి స్టోర్ని ముంబయిలో ఏర్పాటు చేశాం. ఆన్లైన్ సేవల్నీ అందిస్తున్నాం. తక్కువ ధరకి నాణ్యమైన, ఫ్యాషన్తో కూడినవి అందిస్తున్నా’మనే మేఘ.. దేశంలో క్రీడలంటే క్రికెట్కే ఆదరణ. ఇతర ఆటల గొప్పదనాన్ని పరిచయం చేస్తూనే సత్తా ఉన్న అమ్మాయిలను వెలుగులోకి తేవడమే ధ్యేయమంటోంది. తన సాయంతో ఎందరో సింధులు, సానియాలు తయారవ్వాలని కోరుకుందాం.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- తారలు మెచ్చిన ‘ఫుల్కారీ’ ఫ్యాషన్.. ఈ స్టైలిష్ ట్రెండ్ గురించి తెలుసా?
- పొడవైన శిరోజాలతో... గిన్నిస్బుక్లో..!
- ఈ ఆహారంతో జుట్టు ఆరోగ్యంగా..!
- మెడ చుట్టూ నల్లగా అవుతోందా?
- గోళ్లు విరుగుతున్నాయా?
ఆరోగ్యమస్తు
- చనుబాలు ఎక్కువగా వస్తున్నాయి.. తగ్గేదెలా?
- మెనోపాజా... వ్యాయామం చేయండి!
- ఎండకో గొడుగు..!
- హార్మోన్లు సమతులంగా ఉండాలంటే..!
- ఎలక్ట్రోలైట్స్... తాగుతున్నారా?
అనుబంధం
- బద్ధకపు భర్తతో వేగలేకపోతున్నారా?
- లవ్ మ్యారేజ్.. అయినా సంప్రదాయాల పేరిట టార్చర్ చేస్తున్నాడు..!
- దాంపత్య బంధానికీ.. ఇవ్వాలి కాస్త విశ్రాంతి!
- బాస్ వివాహేతర సంబంధం.. అతడితో చెప్పాలా? వద్దా?
- నైపుణ్యాలకు సానపెట్టండిలా..
యూత్ కార్నర్
- వేసవి కథ!
- 29 బాటిళ్లతో ఒక స్విమ్సూట్.. విదేశాల్లోనూ పాపులర్!
- Prachi Nigam: స్టేట్ ఫస్ట్.. అయినా బాడీ షేమింగ్ తప్పలేదు!
- ప్రాణం కోసం... ‘సూర్య నాయక్’
- Janhvi Kapoor : నచ్చిందే పదే పదే తింటుంటా!
'స్వీట్' హోం
- ఈ డ్రింక్తో వేసవి వేడిని తరిమేయండి!
- రాత్రివేళకి... సుగంధాల రాణి!
- చెత్తబుట్ట నుంచి దుర్వాసన రాకుండా..!
- తేలిగ్గా వండేద్దాం..!
- ప్రకృతికి కోపం తెప్పిస్తున్నారా?
వర్క్ & లైఫ్
- గర్ల్ గ్యాంగ్తో వెకేషనా? అందాల ‘బాలి’ వెళ్లాల్సిందే!
- రంగులు తెలిసేలా!
- విజయానికి అందం అడ్డయ్యింది!
- భరణం ఇవ్వాల్సొస్తుందని ఉద్యోగం మానేశాడు!
- నేను బాగా పనిచేయడం లేదు!